সৰুসজাই কোৱাৰেণ্টাইন চেন্টাৰৰ পৰা পলায়ন কৰা নলবাৰীৰ দুজন আৰু হোজাইৰ এজন কোভিড-১৯ ৰোগীক আটক

সৰুসজাই কোৱাৰেণ্টাই চেণ্টাৰৰ পৰা পলায়ন কৰা নলবাৰীৰ দুজন আৰু হোজাইৰ এজন ব্যক্তিক নলাবাৰী আৰু হোজাই আৰক্ষীয়ে আটক কৰিবলৈ সক্ষম হৈছে।

অসমৰ স্বাস্থ্য মন্ত্ৰী হিমন্ত বিশ্ব শৰ্মাই টুইটাৰযোগে অসম আৰক্ষীয়ে পলায়ন কৰা ব্যক্তি কেইগৰাকীক আটক কৰিবলৈ সক্ষম হোৱা বাবে ধন্যবাদ জ্ঞাপন কৰে।

📍3 #Covid19 patients Hamidul Ahmed & Shajahal Ali of Nalbari; Md Saidul Alam of Hojai escaped from Sarusajai quar centre causing us immense stress. Thanks to @nalbari_police & @Hojai_Police for apprehending them in time.

Such acts shall attract punitive measures. @assampolice

— Himanta Biswa Sarma (@himantabiswa) May 20, 2020

‘‘নলবাৰীৰ হামিদুল আহমেদ আৰু ছাজাহল আলী, হোজাইৰ মহম্মদ ছাইদুল আলম নামৰ তিনিগৰাকী কোভিড-১৯ ৰোগী সৰুসজাই কোৱাৰেণ্টাইন চেণ্টাৰৰ পৰা পলায়ন কৰা ঘটনাই আমাক অশান্তিত ৰাখিছিল। নলবাৰী আৰক্ষী আৰু হোজাই আৰক্ষীক পলায়ন কৰা ৰোগী তিনিজনক আটক কৰা বাবে ধন্যবাদ জ্ঞাপন কৰিছো,’’ হিমন্ত বিশ্ব শৰ্মাই টুইটাৰত এইদৰে লিখে।

আৰক্ষীয়ে কোভিড-১৯ আক্ৰান্ত ৰোগী কেইগৰাকীক নিজৰ বাসগৃহৰ পৰা আটক কৰা বুলি জানিব পৰা গৈছে।

ৰাজ্যৰ সচেতন নাগৰিক সকলে নিৰ্ধাৰিত আইনৰ সহায়ত এনেদৰে পলায়ন কৰা লোক সকলৰ বিৰুদ্ধে শাস্তিমূলক ব্যৱস্থা গ্ৰহণ কৰাৰ বাবে চৰকাৰক আহ্বান জনাইছে।

উল্লেখযোগ্য যে, বৰ্তমানলৈ অসমত মুঠ ১৫৭ গৰাকী লোক ক’ৰ’না ভাইৰাছত আক্ৰান্ত হৈছে। মঙলবাৰে অসমত ৪২ গৰাকী লোক ক’ৰ’নাত আক্ৰান্ত হৈছিল।