পাকিস্তানত সংঘটিত ভয়ংকৰ বিমান দুৰ্ঘটনাক লৈ শোক প্ৰকাশ হিমন্ত বিশ্ব শৰ্মাৰ

মন্ত্ৰী হিমন্ত বিশ্ব শৰ্মাই পাকিস্তানত শুকুৰবাৰে সংঘটিত ভয়ংকৰ বিমান দুৰ্ঘটনাক লৈ দুখ প্ৰকাশ কৰিছে।

“সঁচাকৈয়ে কঠোৰ আৰু যন্ত্ৰণাদায়ক সময়। মৃতকৰ পৰিয়ালবৰ্গলৈ মোৰ সমবেদনা,” মন্ত্ৰী শৰ্মাৰ টুইট।

লাহোৰৰ পৰা কৰাচীলৈ যাত্ৰা কৰা পাকিস্তান ইণ্টাৰনেশ্যনেল এয়াৰলাইনছৰ এখন যাত্ৰীবাহী বিমান আজি কৰাচী বিমান বন্দৰৰ সমীপত দুৰ্ঘটনাগ্ৰস্ত হয়।

জানিব পৰা মতে, দুৰ্ঘটনাগ্ৰস্ত বিমানখনত ৯৯ গৰাকী যাত্ৰী আৰু ৮ গৰাকী বিমান কৰ্মী আছিল।

দুৰ্ঘটনাগ্ৰস্ত বিমানখনৰ সকলো যাত্ৰীৰ মৃত্যু হোৱা বুলি সন্দেহ প্ৰকাশ কৰা হৈছে।

The heart wrenching news of #planecrash in Pakistan has saddened me.

Truly tough & painful times. My condolences to the family of the deceased.

— Himanta Biswa Sarma (@himantabiswa) May 22, 2020

অৱতৰণৰ সময়ত বিমানখনৰ যান্ত্ৰিক বিজুতি ঘটি ওচৰৰ আৱাসগৃহত খুন্দা মৰাৰ ফলতে এই ভয়ংকৰ দুৰ্ঘটনা সংঘটিত হয় বুলি পাকিস্তানৰ সংবাদ মাধ্যমে কয়।

অৱতৰণৰ সময়ত বিমানখনে প্ৰচণ্ড শব্দ কৰি জ্বলি উঠে।

বৰ্তমান দুৰ্ঘটনাস্থলীত কৰাচী আৰক্ষীৰ দল উপস্থিত হৈ উদ্ধাৰ অভিযান আৰম্ভ কৰিছে।

ক’ৰ’নাৰ সংক্ৰমণৰ বাবে বিমান পৰিবহণ বন্ধ ৰখা পাকিস্তানে কিছু দিন পূৰ্বে বিমান যাত্ৰা আৰম্ভ কৰিছিল।