ডিব্ৰুগড় বিশ্ব বিদ্যালয়ৰ গণিত বিষয়ৰ সহকাৰী অধ্যাপক ধ্ৰুৱজ্যোতি চৌধুৰীৰ অসৎ কাণ্ডৰ পাছত চাৰিওফালে বিতৰ্ক ঢৌ উঠিছে।
সহকাৰী অধ্যাপকজনৰ কু-কৰ্মৰ অচিলালৈ একাংশই চ’ছিয়েল মিডিয়াত ডিব্ৰুগড় বিশ্ববিদ্যালয়ৰ ঐতিহ্য গৰিমা আৰু ইয়াৰ ছাত্ৰ ছাত্ৰীক লৈ সামাজিক মাধ্যমত অশ্লীল মন্তব্য কৰাৰ পৰিলক্ষিত হৈছে।
আনকি কিছুমান সংবাদ মাধ্যমেও সহকাৰী অধ্যাপকজনৰ অসৎ কৰ্মৰ বাবে বিশ্ববিদ্যালয়খন নাম সাঙুৰি আপত্তিজনক মন্তব্য প্ৰকাশ কৰা হৈছে বুলি বিশ্ববিদ্যালয়খনৰ শিক্ষাৰ্থীসকলৰ লগতে ছাত্ৰ একতা সভাই অভিযোগ কৰিছে।
এনে কাৰ্যক গৰিহণা দিছে ডিব্ৰুগড় বিশ্ববিদ্যালয়ৰ ছাত্ৰ একতা সভাৰ লগতে শিক্ষাৰ্থীসকলে।
দেওবাৰে ছাত্ৰ একতা সভা আৰু পদ্মনাথ গোহাঞি বৰুৱা ছাত্ৰাবাসৰ ছাত্ৰই ৰাজ্যৰ আঠখনকৈ থানাত অশ্লীল মন্তব্যকাৰীৰ বিৰুদ্ধে এজাহাৰ দাখিল কৰা বুলি জানিবলৈ দিয়ে বিশ্ববিদ্যালয়ৰ ছাত্ৰ একতা সভাৰ সাধাৰণ সম্পাদক ৰাহুল ছেত্ৰীয়ে।
ইফালে সহকাৰী অধ্যাপকজনৰ বিৰুদ্ধে সোচ্চাৰ হৈছে ছাত্ৰ একতা সভাৰ লগতে শিক্ষানুষ্ঠানখনৰ শিক্ষাৰ্থী সমাজ।
গণিত সহকাৰী অধ্যাপকজনৰ লজ্জাজনক কাণ্ডৰ গৰিহণা দিয়াৰ লগতে কোনোদিনে ডিব্ৰুগড় বিশ্ববিদ্যালয়ৰ চৌহদত প্ৰৱেশ কৰিব নোৱাৰিব বুলি সকীয়াই দিয়ে সাধাৰণ সম্পাদকজনে।
যদি চৌধুৰীয়ে বিশ্ব বিদ্যালয়ত প্ৰৱেশ কৰাৰ চেষ্টা কৰে তেন্তে টালি টোপোলা বান্ধি বিশ্ববিদ্যালয়ৰ পৰা বাহিৰ কৰি দিয়া হ’ব বুলি হুংকাৰ ছেত্ৰীৰ।
