১৩৬২গৰাকী ব্যক্তি অসমত সোমবাৰে ক’ভিড-১৯ ৰ পৰা আৰোগ্য হৈ চিকিৎসালয়ৰ পৰা মুকলি হৈছে।
এইসকল ব্যক্তিক ধৰি ২৫,৪০২গৰাকী লোক অসমত এতিয়ালৈকে ক’ভিডৰ পৰা সুস্থ হৈ উঠিছে।
অসমত বৰ্তমান সক্ৰিয় ৰোগীৰ সংখ্যা হৈছে ৮০৮৫গৰাকী।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
ইফালে সোমবাৰৰ দিনটোত অসমত ১৩৪৮গৰাকী ব্যক্তি ক’ভিড পজিটিভ চিনাক্ত হৈছে। ইয়াৰে ১৫৫গৰাকী গুৱাহাটীৰ।
অসমত ক’ভিড টেষ্টৰ ক্ষেত্ৰত পজিটিভৰ হাৰ হ্ৰাস পাইছে। সোমবাৰে এই হাৰ ৬.১৯ শতাংশ।
যোৱা ২৪ ঘণ্টাত ২১৭৪২ ক’ভিড টেষ্ট সম্পন্ন কৰা হৈছে।
আনহাতে সোমবাৰে সাতগৰাকী ক’ভিড-১৯ আক্ৰান্তই অসমত প্ৰাণ হেৰুৱাইছে।
? Discharge Alert
1⃣3⃣6⃣2⃣ patients have been discharged today.
Happy to see rising numbers of discharged cases. Salute to the medical team.
?Total Discharged Patients: 25402
?Active Patients: 808510:20 PM/July 27#AssamCovidCount pic.twitter.com/W3775ovrqu
— Himanta Biswa Sarma (@himantabiswa) July 27, 2020
ক’ভিডত মৃত্যু হোৱা লোককেইগৰাকী হৈছে— যোৰহাটৰ তুলসী প্ৰসাদ দেউৰী (৫৯), ইষ্ট কাৰ্বি আংলঙৰ জয় সিং বে (৫৯), কামৰূপ মহানগৰৰ মেভিনা বেগম (২৬), ডিব্ৰুগড়ৰ ডঃ জি এম এছ চৌধুৰী (৭২) আৰু তিনিচুকীয়াৰ অজয় মাহাত’ (৩৫), পুষ্প ৰয় (৭৫) আৰু দীনেশ চন্দ্ৰ দাস (৫০)।
এইসকল ব্যক্তিক ধৰি অসমত ক’ভিডত প্ৰাণ হেৰুওৱা লোকৰ সংখ্যা ৮৬লৈ বৃদ্ধি পাইছে।
অসমত এতিয়ালৈকে চিনাক্ত মুঠ ক’ভিড আক্ৰান্ত ৩৩,৫৭৬গৰাকী।
ইয়াৰে তিনিগৰাকী আন ঠাইলৈ স্থানান্তৰিত হৈছে।