উচ্চতম ন্যায়ালয়ে শুকুৰবাৰে BS-IVবাহনসমূহৰ ৰেজিষ্ট্ৰেশ্যন পৰৱৰ্তী নিৰ্দেশ নিদিয়ালৈকে বন্ধ কৰিছে।
সৰ্বোচ্চ আদালতখনে লগতে কোভিড-১৯ৰ বাবে বলবৎ থকা লকডাউনৰ সময়ছোৱাত বৃহৎ সংখ্যক বাহনৰ বিক্ৰীতো অসন্তুষ্টি প্ৰকাশ কৰিছে।
‘’লকডাউনৰ সময়ছোৱাত এক অস্বাভাৱিক সংখ্যক BS-IVবাহন বিক্ৰী কৰা হৈছিল,’’-ন্যায়াধীশ অৰুণ মিশ্ৰৰ নেতৃত্বৰ বিচাৰপীঠখনে কয়।
অহা ১৩ আগষ্টত শীৰ্ষ আদালতখনে পুনৰ বিষয়টোৰ শুনানি গ্ৰহণ কৰিব।
চলিত মাহৰ প্ৰাৰম্ভতে অটোমোবাই ডীলাৰ এছোচিয়েশ্যনে বিক্ৰী নোহোৱা BS-IV বাহনসমূহৰ তালিকাসমূহ নিৰ্মাতাসকলক ঘুৰাই দিয়াৰ বাবে ডীলাৰসমূহক অনুমতি দিয়া উচিত যাতে তেওঁলোকে আন দেশলৈ ৰপ্তানি কৰিব পাৰে বুলি জনোৱা এক মৌখিক আবেদনত উচ্চতম ন্যায়ালয়ে অসন্তুষ্টি ব্যক্ত কৰিছিল।
এছোচিয়েশ্যনৰ হৈ উপস্থিতি থকা অধিবক্তাই ন্যায়াধীশ অৰুণ মিশ্ৰৰ নেতৃত্বৰ বিচাৰপীঠক কৈছিল যে এনে কিছুমান দেশ আছে য’ত আপত্তি থকা BS-IV বাহন বিক্ৰীৰ অনুমতি আছে।
কোভিড-১০ৰ লকডাউন প্ৰত্যাহাৰৰ পাছত দিল্লী আৰু এনচিআৰৰ বাহিৰে সমগ্ৰ ভাৰততে ১০দিনৰ বাবে BS-IV বাহনৰ বিক্ৰীৰ বাবে অনুমতি দিয়া যোৱা ২৭ মাৰ্চৰ নিৰ্দেশটো যোৱা ৮ জুলাইত শীৰ্ষ আদালতখনে উঠাই লয়।
২৭ মাৰ্চত আদালতখনে ২৫মাৰ্চত বলবৎ হোৱা ৰাষ্ট্ৰজোৰা ছয়দিনীয়া লকডাউনৰ বাবে হোৱা ক্ষতিৰ জোৰা মাৰিবলৈ বিক্ৰী নোহোৱা BS-IV বাহনৰ ১০ শতাংশ বিক্ৰীৰ অনুমতি দিছিল।
