পত্নীক অপ্ৰাকৃতিক যৌন সম্পৰ্ক স্থাপনৰ বাবে বাধ্য কৰাই মৃত্যুক সাৱটি ল’ব লগা হৈছে এজন স্বামীয়ে। ঘটনাটো ঘটিছে মাদুৰাইৰ টিৰুমংগলমত।
ঘটনাৰ বিৱৰণীৰ মতে দীৰ্ঘদিন ধৰি শিক্ষয়িত্ৰী পত্নীক শাৰীৰিক নিৰ্যাতন চলাই অহা মাতাল স্বামীয়ে ঘটনাৰ দিনাও পত্নীক অপ্ৰাকৃতি যৌন সম্পৰ্ক স্থাপনৰ বাবে বাধ্য কৰাব খুজিছিল।
কিন্তু পত্নীয়ে পৰিয়ালৰ অন্য সদস্যৰ সহায়ত কুলাংগাৰ স্বামীক সেইদিনাই হত্যা কৰে।
অজ্ঞান অৱস্থাত পৰিয়ালৰ লোকৰ সৈতে পত্নীয়ে স্বামীক স্থানীয় চিকিৎসালয়লৈ লৈ গৈছিল। আৰু চিকিৎসকৰ আগত স্বামীয়ে বিচনাৰ পৰি আঘাতপ্ৰাপ্ত হোৱা বুলি জনাইছিল।
চিকিৎসকে জনায় যে চিকিৎসালয়ত ভৰ্তি কৰোৱাৰ পূৰ্বে লোকজনৰ মৃত্যু ঘটে।
মৃত ব্যক্তিজনৰ স্বাস্থ্য পৰীক্ষা কৰোতে চিকিৎসকে গুপ্তাংগ আঘাত প্ৰত্যক্ষ কৰি সন্দেহ হোৱাত স্থানীয় মাদুৰাই আৰক্ষীক ঘটনাটো অৱগত কৰে।
আৰক্ষীয়ে তদন্ত আৰম্ভ কৰি পত্নীক জেৰা কৰে।
আৰক্ষীৰ জেৰাত পত্নী স্বীকাৰ কৰিছে যে পৰিয়ালৰ আন সদস্যৰ সহায়ত স্বামীক হত্যা কৰিছে।
পত্নী গৰাকীয়ে লগতে আৰক্ষীক কয় যে সদায় মাতাল হৈ স্বামীয়ে অপ্ৰাকৃতিক যৌন সম্পৰ্ক স্থাপন কৰিবলৈ তেওঁক বাধ্য কৰাৰ বাবে স্বামীক হত্যা কৰিছে।
আৰক্ষীয়ে জনোৱা অনুসৰি মৃত ব্যক্তিজনৰ নাম ই সুন্দৰ(৩৪)। আঠ বছৰ পূৰ্বে সুন্দৰে শিক্ষয়িত্ৰী গৰাকীৰ সৈতে বিবাহ পাশত আৱদ্ধ হৈছিল।
যোৱা বৃহস্পতিবাৰে পত্নীয়ে স্বামীক টোপনিৰ ঔষধ খোৱাই দিয়ে। টোপনি ঔষধ খাই টোপনিত ঢলি পৰাৰ পিছতে পৰিয়ালৰ আন সদস্যসহ পত্নীয়ে স্বামীক মুখত এটা প্লাষ্টিকৰ বেগেৰে সোপা মাৰি শ্বাস-প্ৰশ্বাস বন্ধ কৰিবলৈ প্ৰয়াস কৰে।
কিন্তু ইমানতো স্বামীৰ মৃত্যু নোহোৱাত পত্নীয়ে স্বামীৰ গুপ্তাংগত আঘাত কৰে আৰু তাৰ পিছতে স্বামীৰ মৃত্যু হয় বুলি আৰক্ষীয়ে জানিবলৈ দিয়ে।
আৰক্ষীৰ মতে মৃতলোকজনে যোৱা আঠ বছৰ ধৰি পত্নীক অপ্ৰাকৃতিক যৌন সম্পৰ্ক স্থাপন কৰিবলৈ বাধ্য কৰি শাৰীৰিক নিৰ্যাতন চলাই আহিছিল।
ইতিমধ্যে ঘটনাৰ সন্দৰ্ভত শনিবাৰে আৰক্ষীয়ে পত্নীসহ অন্য এজন লোকক গ্ৰেপ্তাৰ কৰিছে।
