ব্যক্তিগত শিক্ষানুষ্ঠানক মাহেকীয়া মাচুল ২৫ শতাংশ হ্ৰাস কৰিবলৈ শিক্ষা বিভাগৰ নিৰ্দেশ

কোভিড -১৯ পৰিস্থিতিৰ পৰিপ্ৰেক্ষিতত ব্যক্তিগত আৰু বেচৰকাৰী খণ্ডৰ শিক্ষানুষ্ঠানসমূহলৈ মাচুল সম্পৰ্কত ৰাজ্যখনৰ শিক্ষা আয়ুক্তই এক নিৰ্দেশনা জাৰি কৰিছে।

শিক্ষা মন্ত্ৰী ডঃ হিমন্ত বিশ্ব শৰ্মাই তেওঁৰ এটা টুইটাৰৰ জৰিয়তে এই কথা সদৰী কৰিছে।

চৰকাৰী নিৰ্দেশনা অনুসৰি, যোৱা মে’ মাহৰ ১ তাৰিখৰ পৰা বিদ্যালয়সমূহ আনুষ্ঠানিকভাৱে নোখোলালৈকে প্ৰাক-প্ৰাথমিক শ্ৰেণীৰ পৰা দ্বাদশ শ্ৰেণীলৈকে ছাত্ৰ-ছাত্ৰীসকলৰ মাহেকীয়া মাচুল ২৫শতাংশ ৰেহাই দিবলৈ নিৰ্দেশ দিয়া হৈছে।

নিৰ্দেশনাটোত কোৱা হৈছে যে বিদ্যালয় সমূহত অনলাইন পাঠদান চলি আছে যদিও বিদ্যুৎ, যাতায়াত আদিকে ঘৰি আন বহু শিতানত বিদ্যালয়সমূহৰ ব্যয় বহু পৰিমানে হ্ৰাস পাইছে।

In view of #COVID19 pandemic, we've advised all private educational institutions to offer at least 25% concessions in monthly fees (pre-primary to XII), from May 1, 2020 till formal opening of schools. These institutions are saving substantial expenditure under various heads. pic.twitter.com/i1rZXlGMAu

— Himanta Biswa Sarma (@himantabiswa) August 14, 2020

সেয়েহে, এনে সংকটৰ সময়ত ব্যক্তিগত আৰু বেচৰকাৰীখণ্ডৰ শিক্ষানুষ্ঠানসমূহক  তেওঁলোকৰ ছাত্ৰ-ছাত্ৰীৰ অভিভাৱকসকলৰ প্ৰতি দায়বদ্ধতা প্ৰকাশ কৰি এই সিদ্ধান্ত গ্ৰহণৰ বাবে আহ্বান জনাইছে।

উল্লেখযোগ্য যে বহুতো বিদ্যালয়ে কোভিড-১৯ৰ সংকটৰ সময়ত বিদ্যালয় বন্ধ থকাৰ সময়ত সম্পূৰ্ণ মাচুল আদায় লোৱাৰ লগতে আন একাংশ বিদ্যালয়ে এদিনো স্কুল বাছ নচলাৰ পাছতো সম্পূৰ্ণ বাছ ভাড়া আদায় কৰি আছে।