ৰিয়া চক্ৰৱৰ্তীয়ে সুশান্ত সিং ৰাজপুতৰ ঘৰৰপৰা ৮জুনত ওলাই গৈছিল আৰু ইয়াৰ ঠিক ছয়দিন পাছতেই মৃত্যু হৈছিল অভিনেতা সুশান্তৰ।
সুশান্তৰ ঘৰৰ পৰা ওলাই যোৱাৰ পাছত প্ৰযোজক তথা পৰিচালক মহেশ ভাটৰ সৈতে ৰিয়াই বাৰ্তালাপ কৰা সেই হোৱাটছএপ চ্যাট পোহৰলৈ আহিছে।
ৰিয়াই মহেশ ভাটৰ ছবি ‘জালেবি’ত অবিনয় কৰিছিল ‘আয়েশা’নামৰ চৰিত্ৰটিত। ৮জুনত ৰিয়াই মহেশ ভাটক মেচেজ কৰিছিল,’’আয়েশা মুভ অন কৰি ভাৰাক্ৰান্ত হৃদয় আৰু শান্তিৰে ওলাই আহিছে।‘’
সেয়া আছিল সুশান্তৰ ঘৰৰ পৰা ওলাই অহাৰ ইংগিত দি কৰা এটি মেচেজ।
সিদিনা হোৱাটছএপত মহেশ ভাটক ৰিয়াই মেচেজ কৰিছিল,’’আমাৰ শেহৰ ফোনকলটোৱে মোক জগাই দিছে। আপুনি মোৰ দেৱদূত। আপুনি তেতিয়াও আছিল, এতিয়াও আছে।‘’
ইয়াৰ উত্তৰত মহেশ ভাটে লিখিছে,’’ পিছলৈ উভতি নাচাবা। যিটো হ’বলগীয়া আছিল সেইটোকে হ’ব দিয়া। তোমাৰ পিতৃলৈ বহু ভালপোৱা থাকিল। তেওঁ আনন্দিত হ’ব।‘’
তাৰ পাছত ৰিয়াই লিখিছে,’’চাৰ বহুখিনি সাহস পালো। সিদিনা আপুনি মোৰ পিতৃৰ সম্পৰ্কে যি ক’লে সেইটোৱে মোক তেওঁৰ প্ৰতি আৰু শক্তিশালী কৰি তুলিছে। মোৰ পিতৃৰ ফালৰ পৰাও বহু ধন্যবাদ। আৰু সকলো সময়তে এনেকুৱা স্পেছিয়েল হোৱাৰ বাবে ধন্যবাদ।‘’
শেষত ৰিয়াই লিখিছে,’’ আপোনাক লগ পোৱাৰ বাবে মই মোৰ ভাগ্যক ধন্যবাদ দিব খোজো। আপুনি ঠিকেই আছে। এই দিনটোৰ বাবেই আমাৰ সাক্ষাৎ হৈছিল। কেবল মাত্ৰ ছবিৰ বাবে নহয়। আন কিবা এটা। আপুনি মোক যি যি কৈছিল সেইবোৰ মোৰ মনত ৰৈ গৈছে। আপোনাৰ এই নিস্বাৰ্থ ভালপোৱাই মোৰ ওপৰত যথেষ্ট প্ৰভাৱ পেলাইছে।‘’
আনহাতে, ইয়াৰ উত্তৰত মহেশ ভাটে লিখিছে,’’ মি যদি কামত নালাগিলোহেঁতেন তেতিয়াহ’লে আৰু মোৰ অস্তিত্বৰ কোনো অৰ্থ নাই।‘’
সেইদৰে ৰিয়াই লিখিছে,’’এটা সময়ত আপুনি মোক উৰিবলৈ শিকাইছে। তদুপৰি, আপুনি মোৰ জীৱনত ইশ্বৰৰ দৰে।‘’
সুশান্তৰ ঘৰৰ পৰা ওলাই যোৱাৰ পাছতে কৰা এই চ্যাটত ৰিয়াই শান্তি লাভ কৰাৰ কথাকেই বুজাইছে।
ইয়াৰ পাছত ১ জুলাইত সুশান্তৰ মৃত্যুৰ দিনা ৰিয়াৰ জন্মদিন আছিল আৰু সেইদিনা মহেশ ভাটৰ সৈতে ৰিয়াৰ বাৰ্তালাপ হয়।
মহেশ ভাটে ৰিয়াক জন্মদিনৰ শুভেচ্ছা জনায়। ৰিয়াই লিখিছে,’’মই খুব আনন্দিত। মই আপোনাক খুব ভালপাওঁ। আপোনাক আনন্দিত কৰিম।‘’
ইয়াৰ উত্তৰত মহেশ ভাটে লিখিছে,’’তুমি মোক এনেয়ে আনন্দিত কৰিছা। সঁচা। তুমি যি কৰিছা সেইটো কৰিবলৈ বহু সাহসৰ প্ৰয়োজন। মাত্ৰ পাছলৈ উভতি নাচাবা।‘’
তদন্তৰ সময়ত জেৰাত ৰিয়াই ব্যক্ত কৰিছে যে সিদিনা সুশান্তই ৰিয়াক ঘৰৰ পৰা ওলাই যাৱলৈ কৈছিল। ৰিয়াৰ পিতৃ সুশান্তৰ সৈতে তেওঁৰ সম্পৰ্কক লৈ হেনো মুঠেই সুখী নাছিল তাকো জনাইছিল।
মহেশ ভাটেও ৰিয়াক এই সম্পৰ্কৰ পৰা ওলাই আহিবলৈ কৈছিল। ৰিয়াই বিভিন্ন সময়ত দাবী কৰি আহিছে যে সুশান্ত হেনো মানসিকভাৱে সুস্থ নাছিল।
কিন্তু সুশান্তৰ পৰিয়ালে এই কথা মানি ল’বলৈ সাজু নহয়।
সি যি কি নহওঁক, মহেশ ভাট আৰু ৰিয়াৰ মাজৰ হোৱাটছএপৰ বাৰ্তালাপে সুশান্তৰ মৃত্যু ৰহস্যৰ নতুন দিশ উন্মোচনত পোহৰ পেলাব বুলি আশা কৰা হৈছে।
