শিৱসাগৰত দৈনিক বৃদ্ধি পাব ধৰিছে কোভিড-১৯ আক্ৰান্তৰ সংখ্যা। মুখত মাস্ক পৰিধান নকৰা আৰু কোভিড-১৯ৰ চৰকাৰী নীতি-নিয়ম মানি নচলাৰ বাবেই এইদৰে বৃদ্ধি পাইছে কভিড-১৯ পজিটিভৰ সংখ্যা।
জিলাখনত সোমবাৰলৈকে ৬৭৪১৯গৰাকী ব্যক্তিয়ে স্বাৱ পৰীক্ষা কৰিছে আৰু ইয়াৰে ৩০৩০ গৰাকীৰ দেহত কভিড-১৯পজিটিভ পোৱা গৈছে।
বৰ্তমানলৈকে শিৱসাগৰত ৬৬৭ গৰাকী ব্যক্তি চিকিৎসাধীন হৈ থকাৰ বিপৰীতে ২৩২৭ গৰাকী ব্যক্তিক সুস্থ হৈ উঠাৰ পাছত ঘৰলৈ যাবলৈ দিয়া হৈছে।
জিলা স্বাস্থ্য বিভাগৰ পৰা পোৱা তথ্য অনুসৰি শিৱসাগৰ অসামৰিক চিকিৎসালয়ত ৮৯ গৰাকী, আৰৱান মডেল হাস্পাতলত ৭৮ গৰাকী, ডিমৌ পলিটেকনিকত ৪৯ গৰাকী, চ্যুকাফা হাস্পাতলত ৫ গৰাকী, অ’এনজিচি হাস্পাতলত ১২ গৰাকী ব্যক্তি চিকিৎসাধীন হৈ আছে।
আনহাতে ডিব্ৰুগড় মেডিকেল কলেজত ৪২ গৰাকী, ব্ৰহ্মপুত্ৰ নাৰ্চিং হোমত ১০ গৰাকী, সৃষ্টি নাৰ্চিং হোমত ১ গৰাকী, আদিত্য নাৰ্চিং হোমত ৮ গৰাকী, সঞ্জীৱনী নাৰ্চিং হোমত ২২ গৰাকী আৰু যোৰহাট মেডিকেল কলেজত ৪২ গৰাকী ব্যক্তি চিকিৎসাধীন হৈ আছে।
সেইদৰে,২৩৪ গৰাকী ব্যক্তি হোম আইছ’লেশ্যন হৈ থকাৰ বিপৰীতে ৭৯ গৰাকী ব্যক্তি বৰ্তমানলৈকে চিকিৎসালয়ত ভৰ্তি হোৱা নাই বুলি জানিব পৰা গৈছে।
শিৱসাগৰ জিলাত কভিড১৯-ত আক্ৰান্ত হৈ বৰ্তমানলৈকে ৩৮ গৰাকী ব্যক্তিৰ ইতিমধ্যে মৃত্যু হোৱা বুলি জানিব পৰা গৈছে।
