সিংহ আৰু নিগনিৰ গল্পটো আমি সকলোৱে জানো। সকলোৰে কিবা নহয় কিবা এটা বিশেষ গুণ থাকিবই পাৰে। বিপদত সিংহকো সহায় কৰিব পৰা সক্ষমতাৰ কথা নিগনিয়ে গল্পটোত প্ৰমান কৰি থৈছে।
পিচে, সেইটো আছিল এটা সাধুকথা। কিন্তু বাস্তৱতে, এইবাৰ এনে এটা সৰু এন্দুৰে সাহসিকতাৰ বাবে লাভ কৰিলে সোণৰ পদক।
আচৰিত যেন লাগিলেও এয়া সত্য। ক্ষুদ্ৰাকৃতিৰ এই এন্দুৰটোৱে প্ৰকৃততে মাটিত পুতি ৰখা লেণ্ডমাইন উদ্ধাৰ কৰাৰ বাবে সিদ্ধহস্ত।
প্ৰশিক্ষিত মানুহেও য’ত শংকাৰ মাজেৰে এনে কাম কৰিবলৈ আগবাঢ়ে তাত এই এন্দুৰটোৱে অতি সহজেই সেই কাম কৰি পেলায়।
এনে কাৰণতে আফ্ৰিকাৰ এই এন্দুৰটোক কম্বোডিয়াত সোণৰ পদকেৰে পুৰষ্কৃত কৰা হয়।
বাতৰি অনুসৰি মাগাৱয়া নামৰ এই এন্দুৰটোৱে এতিয়ালৈকে ৩৯টা লেণ্ডমাইন আৰু ২৮টা বিস্ফোৰক সফলতাৰে উদ্ধাৰ কৰিবলৈ সক্ষম হৈছে।
ই প্ৰায় ২০খন ফুটবল খেলপথাৰৰ সমান ১লাখ ৪১হাজাৰ বৰ্গ কিলোমিটাৰ পৰীক্ষা কৰিছে। এই ধৰণৰ আফ্ৰিকাৰ এন্দুৰবোৰক সাধাৰণতে মাটিৰ তলত থকা লেণ্ডমাইন বা বিস্ফোৰক বিচাৰি উলিওৱা কামত লগোৱা হয়।
This official Hero Rat has been awarded a gold medal for his “lifesaving bravery and devotion to duty” in detecting landmines.
Read more about Magawa's remarkable detection skills here:https://t.co/nhhepj4w8r pic.twitter.com/XruzxROG15
— ITV News (@itvnews) September 25, 2020
ইয়াৰ বাবে অৱশ্যে দীঘলীয়া প্ৰশিক্ষণৰ প্ৰয়োজন হয়। এইক্ষেত্ৰত APOPOনামৰ সংস্থাটোৱে এনে ধৰণৰ এন্দুৰবোৰক প্ৰশিক্ষণ দি দক্ষ কৰি তোলে।
কম্বোডিয়াৰ পিডিএছএ নামৰ এটা সংস্থাই মাগাৱয়াক সোণৰ পদকেৰে পুৰষ্কৃত কৰিছে। তেওঁলোকৰ ৭৭বছৰীয়া ইতিহাসত প্ৰথমবাৰৰ বাবে এইদৰে এটা এন্দুৰে এইদৰে পুৰষ্কৃত হৈছে।
মাগাৱাৰ সোণৰ পদক জয়ক লৈ বিশ্বত আলোডনৰ সৃষ্টি হয়। পিডিএছএ এই খৱৰ টুইট কৰি দিয়া প’ষ্টটো ভাইৰেল হৈ পৰিছে আৰু ছচিয়েল মিডিয়াত এন্দুৰৰ কৃতিত্বৰ প্ৰশংসাৰে ভৰি পৰিছে।