কামৰূপ মহানগৰ CJM আদালতত হাজিৰ কৰোৱা হ’ল SI কেলেংকাৰীৰ অভিযুক্ত বিজেপি নেতা দিবন ডেকা।
আৰক্ষীৰ অপৰাধ শাখাই আদালতত ৭ দিনৰ বাবে জিম্মাত বিচাৰিছিল যদিও ৫ দিনৰ বাবেহে জিম্মালৈ প্ৰেৰণ কৰে।
আদালতত ন্যায়াধীশে অধিবক্তা লাগিব নেকি বুলি সোধাত তেওঁ নালাগে বুলি জনায়। এজন অধিবক্তাই সংবাদ মাধ্যমৰ আগত জনাইছে এই কথা।
ইপিনে, দিবনৰ বিৰুদ্ধে আৰক্ষীৰ অপৰাধ শাখাই ১৩/২০২০ নম্বৰত ভাৰতীয় দণ্ডবিধিৰ ৪১৮/৪২০/১২০b ধাৰাত এক গোচৰ ৰুজু কৰে।
তেওঁ গেষ্ট্ৰিক আলচাৰ ত ভুগি থকা বুলি জনায় অধিবক্তাই। সেয়েহে তেওঁৰ স্বাস্থ্য পৰীক্ষা কৰাবলৈ আদালতে আৰক্ষীক নিৰ্দেশ দিয়ে।
উল্লেখযোগ্য যে, গুৱাহাটীলৈ আত্মসমৰ্পণ কৰিবলৈ আহি থকা অৱস্থাত কালি নিশা প্ৰায় ১২ বজাত পাটচাৰ কুছিৰ পৰা গ্ৰেপ্তাৰ কৰে বিজেপি নেতা দিবন ডেকাক।
এই কেলেংকাৰীত নাম সাঙোৰ খোৱাৰ পাছতে দিবনে এক ফেচবুক পোষ্টযোগে আৰক্ষীৰ উচ্চ পদস্ত বিষয়া এই প্ৰশ্ন কাকত ফাদিলৰ ঘটনাৰ সৈতে জড়িত থকা বুলি বিস্ফোৰক অভিযোগ তুলিছিল।
দিবন ডেকাৰ বিৰুদ্ধে একোখন প্ৰশ্নকাকত এক লাখ টকা ধনৰ বিনিময়ত কিছু সংখ্যক পৰীক্ষাৰ্থীৰ মাজত বিক্ৰী কৰাৰ গুৰুতৰ অভিযোগ উত্থাপন হৈছিল।
প্ৰাপ্ত খবৰ অনুসৰি বিজেপি নেতা দিবন ডেকাই পৰীক্ষাৰ প্ৰশ্নকাকত ছপোৱাৰ ঠিকা লাভ কৰিছিল।
দিবন ডেকাৰ এটা ছপাশাল থকাৰ কথাও জানিব পৰা গৈছে।