আজি সমগ্ৰ ভাৰতবৰ্ষতে বিদ্যুত্ কৰ্মচাৰী মহাসংঘ আৰু ৰাষ্টীয় বিদ্যুত্ অভিযন্তা আৰু বিদ্যুত্ কৰ্মচাৰী ৰ সমন্বয় ৰক্ষী সমিতিৰ যুটীয়া আহ্বানত ৰাজহুৱা খণ্ডৰ শক্তি বিতৰণ কোম্পানী সমূহক ভাৰত চৰকাৰে ব্যক্তিগত কৰণৰ যি ব্যবস্হা কৰিছে তাৰ প্ৰতিবাদত প্ৰতিবাদ দিৱস পালন কৰিছে ।
অসমতো আসাম ষ্টেট পাৱাৰ ৱ’কাৰ্চ ইউনিয়নে অসম শক্তিবিতৰণ কোম্পানীকে ধৰি দেশৰ শক্তিবিতৰণ কোম্পানী সমূহ ব্যক্তিগতকৰণৰ চৰকাৰে যি প্ৰস্ততি কৰিছে আৰু কৰ্ত্পক্ষই বিদ্যুত কৰ্মচাৰীসকলৰ পদোন্নতিকে ধৰি ৩য়, চতুৰ্থ শ্ৰেণীৰ কৰ্মচাৰী্ৰ servicr regulation প্ৰৱৰ্তন নকৰা, সকলো ক্লাৰিকেল কৰ্মচাৰীৰ চাকৰি একেধৰণৰ নকৰা (ৱান টায়াৰ)ৰ প্ৰতিবাদত সমগ্ৰ অসমৰ অসম শক্তিবিতৰণ কোম্পানী , অসম শক্তি উৎপাদন নিগম আৰু অসম বিদ্যুত্ সংবহন নিগমৰ কাৰ্যালয় সমূহৰ সন্মুখত দুঘন্টীয়া ধৰ্ণা কাৰ্যসূচী কোভিদ ১৯ ৰ নিয়ম নীতি মানি ৰূপায়ণ কৰে।
উল্লেখ্য যে ভাৰত চৰকাৰে ৰাজহুৱা খণ্ডৰ শক্তি বিতৰণ কোম্পানী সমূহ ব্যক্তিকৰণৰ জৰিয়তে সাধাৰণ বিদ্যুত উপভোক্তা ৰাইজৰ ওপৰত বিদ্যুতৰ মুল্যবৃদ্ধিৰ জৰিয়তে মাধমাৰ শোধাবলৈ বিচৰাৰ লগতে বিদ্যুত বিষয়া কৰ্মচাৰী সকলৰো দৰমহা পেঞ্চন গ্ৰেচুইটিৰ দ্বায়িত্বৰ পৰা চৰকাৰে অব্যাহতি লৈ বিষয়া কৰ্মচাৰী সকলৰ ভৱিষ্যত গভীৰ অন্ধকাৰলৈ থেলি দিছে।
সাধাৰণ জনতাৰ ওপৰত বিভিন্ন প্ৰকাৰে ৰামটাঙোন মৰা আৰু চৰকাৰী কৰ্মচাৰী সকলৰ মাজত অনিশ্চয়তাৰ সৃষ্টি কৰাই হৈছে মোডী চৰকাৰৰ ভাল দিনৰ নমুনা । অসম ৰাজ্যিক বিদ্যুত পৰিষদৰ উত্তৰসূৰী তিনিওটা কোম্পানীৰ উৰ্দ্ধতন কৰ্তৃপক্ষক কঠোৰ সমালোচনা কৰি ইউনিয়নৰ সভাপতি ব্ৰজেন বৰি ,কাৰ্যকৰী সভাপতি লীলা চাংমাই আৰু সাধাৰণ সম্পাদক অমিত কৰে কয় যে অদক্ষ পৰিচালনা আৰু একাংশ দুৰ্নীতি পৰায়ণ বিষয়াৰ বাবেই চৰকাৰক ব্যক্তিগতকৰণৰ সুযোগ দিছে ।
ইউনিয়নৰ কৰ্মকৰ্তাই দুৰ্নীতি অনিয়ম আঙুলিয়াই দেখুৱালেই কৰ্তৃপক্ষই বদলি কৰি হাৰাশাস্তি কৰে । কাৰ্বি লাংপি জলবিদ্যুত কেন্দ্ৰৰ প্ৰতি যি ভাবুকিৰ সৃষ্টি হৈছে তাৰ বাবে ইউনিয়নে কৰ্তৃপক্ষকেই জগৰীয়া কৰে।
নেতাদ্বয়ে অসম চৰকাৰকো তীব্ৰ সমালোচনা কৰি কয় জিষ্ণু বৰুৱা অধ্যক্ষ পদত থাকোতে কঠোৰ পৰিশ্ৰম আৰু সুস্হ প্ৰশাসনৰ জৰিয়তে অসম শক্তিবিতৰণ কোম্পানীকে ধৰি তিনিওটা কোম্পানীৰ যথেষ্ট উত্তৰণ ঘটাইছিল আৰু লোকচানৰ পৰিমাণ হ্ৰাস কৰিবলৈ সক্ষম হৈছিল ।
কৰ্মচাৰীৰ সমস্যাৰ প্ৰতিও তেখেত আছিল সহানুভূতিশীল । এনে এজন সুদক্ষ খিলঞ্জীয়া ভূমিপুত্ৰক চৰকাৰে উদেশ্য প্ৰণোদিত ভাৱেই অধ্যক্ষ পদৰ পৰা অপসাৰণ কৰে যাতে অসম শক্তিবিতৰণ কোম্পানী অদক্ষ বিষয়াৰ হাতত পৰি লোকচানমুখী হয় ।
চৰকাৰে অসম শক্তি বিতৰণ কোম্পানীৰ ব্যক্তিগতকৰণৰ যিকোনো প্ৰচেষ্টা পৰিত্যাগ নকৰিলে আৰু কৰ্তৃপক্ষই কৰ্মচাৰীৰ সমস্যা সমূহ সমাধান নকৰিলে আসাম ষ্টেট পাৱাৰ ৱ’কাৰ্চ ইউনিয়নে কঠোৰতম আন্দোলনৰ কাৰ্যসূচী লবলৈ বাধ্য হব বুলি বিবৃতিটোৰ জৰিয়তে সকিয়াই দিয়ে ।
