কোভিড-১৯ পজিটিভ হোৱা বাবে বা কন্টেইনমেন্ট জ’নত বাস কৰা বাবে যোৱা ১৩ছেপ্টেম্বৰত অনষ্ঠিত NEETপৰীক্ষাত অৱতীৰ্ণ হ’ব নোৱাৰা পৰীক্ষাৰ্থসকলৰ বাবে অহা ১৪ অক্টোবৰত পৰীক্ষা অনুষ্ঠিত কৰিবলৈ উচ্চতম ন্যায়ালয়ে অনুমতি দিছে।
বাতৰি অনুসৰি, নেশ্যনেল টেষ্টিং এজেন্সি (এন টি এ) NEETপৰীক্ষাৰ ফলাফল সোমবাৰে ঘোষণা কৰাৰ কথা আছিল যদিও এতিয়া অহা ১৬ অক্টোবৰতহে ফলাফল ঘোষণা কৰিব।
এন টি এ-ই NEET পৰীক্ষাৰ ফলাফলৰ লগতে অল ইণ্ডিয়া কোটাৰ বাবে NEET পৰীক্ষাৰ চূড়ান্ত উত্তৰ সূচী, NEET ২০২০ৰ স্থান তালিকাও প্ৰকাশ কৰিব।
এজেন্সিটোৱে ৮৫শতাংশ মেডিকেল আৰু ডেন্টেল আসনৰ বাবে NEET কাউন্সেলিং অনুষ্ঠিত কৰিবলৈ সংশ্লিষ্ট কৰ্তৃপক্ষলৈ ৰাজ্য ভিত্তিত NEET মেধাৰ তালিকা প্ৰেৰণ কৰিব।
NEET-২০২০ পৰীক্ষাৰ ফলাফল অনলাইনযোগে ইয়াৰ অফিচিয়েল ৱেবছাইট ntaneet.nic.inত প্ৰকাশ কৰিব।
