মিজোৰাম চৰকাৰে ১৬ অক্টোৱৰৰ পৰা নৱমৰ পৰা একাদশ শ্ৰেণীলৈ বিদ্যালয় সমূহৰ পাঠদান নিয়মীয়াভাৱে অনুষ্ঠিত কৰাৰ সিদ্ধান্ত গ্ৰহণ কৰিছে।
মিজোৰামৰ শিক্ষা বিভাগৰ তৰফৰ পৰা এই কথা প্ৰকাশ কৰা হৈছে।
কেন্দ্ৰীয় গৃহ মন্ত্ৰ্যালয়ৰ ১৫ অক্টোবৰৰ পাছত বিদ্যালয় সমূহ খোলাৰ নিৰ্দেশনা অনুসৰি মিজোৰাম চৰকাৰে এই সিদ্ধান্ত গ্ৰহণ কৰিছে বুলি জানিব পৰা গৈছে।
মিজোৰামৰ শিক্ষা বিভাগৰ সঞ্চালক জেইমছ লালৰিনচানাই সোমবাৰে কয় যে, ৰাজ্যৰ শিক্ষা মন্ত্ৰীৰ উপস্থিতি অনুষ্ঠিত হোৱা বৈঠকৰ অন্তত এই সিদ্ধান্ত গ্ৰহণ কৰা হয়।
উক্ত বৈঠকত কেন্দ্ৰীয় যুৱ মিজো পৰিষদ, ছাত্ৰ সংগঠনকে আদি কৰি ভালেসংখ্যক সামাজিক সংস্থা উপস্থিত থাকে।
আনহাতে, বিদ্যালয় খোলাৰ ক্ষেত্ৰত বিদ্যালয় আৰু হোষ্টেল সমূহে কোভিড প্ৰতিৰোধী বিশেষ পৰিচালনা নীতিও অনুসৰণ কৰিব বুলি বুলি শিক্ষা বিভাগৰ সঞ্চালক গৰাকীয়ে লগতে কয়।
উল্লেখযোগ্য যে, মিজোৰাম চৰকাৰে ২১ ছেপ্তেম্বৰৰ পৰা নৱমৰ পৰা ১১ শ্ৰেণীলৈ আংশিকভাৱে বিদ্যালয় সমূহ খোলাৰ সিদ্ধান্ত গ্ৰহণ কৰিছিল।
