SI কেলেংকাৰীত জড়িত বুলি প্ৰমাণিত হোৱাৰ পাছতে আত্মগোপন কৰি থকা সঞ্জীত কৃষ্ণ DGP কাৰ্যালয়ত উপস্থিত হোৱাৰ খবৰ আহিছে।
প্ৰায় ১২ বজাত উপস্থিত হয় আৰক্ষী সঞ্চালক প্ৰধানৰ কাৰ্যালয়ত।
সঞ্জীত কৃষ্ণৰ এয়া এক প্ৰকাৰ আত্ম সমৰ্পণ কৰা বুলি ক’ব পাৰি।
কালিৰে পৰা CID-এ বিচাৰি আছিল সঞ্জীত কৃষ্ণক। কিন্তু কোনো নিৰ্দিষ্ট ঠাইত থকাৰ বাবে তেওঁক গ্ৰেপ্তাৰ কৰিব পৰা নাছিল।
CID-এ DGP কাৰ্যালয়ৰ পৰাই গ্ৰেপ্তাৰ কৰাৰ পূৰ্ণ সম্ভাৱনা আছে।
গ্ৰেপ্তাৰ কৰিলে পোনে পোনে কামৰূপ জিলা মহানগৰ জিলা মুখ্য ন্যায়িক দণ্ডাধীশ আদালতত হাজিৰ কৰাব সঞ্জীতক।
ইতিমধ্যে গ্ৰেপ্তাৰ হোৱা ৰুবুল হাজৰিকা ওৰফে ৰুবুল আলিয়ে স্বীকাৰোক্তিত নাম লৈছিল সঞ্জীতৰ।
উল্লেখযোগ্য যে, সোমবাৰৰ পৰা CID কাৰ্যালয়ত জেৰা চলোৱা হৈছিল কৰিমগঞ্জৰ প্ৰাক্তন আৰক্ষী অধীক্ষক গৰাকীক।
CIDৰ উচ্চ পদস্ত বিষয়া আৰু আৰক্ষীৰ অতিৰিক্ত সঞ্চালক প্ৰধান GP সিঙে পৃথকে পৃথকে সঞ্জীতক জেৰা চলাইছিল বুলি সূত্ৰত প্ৰকাশ পাইছিল।
সঞ্জীতৰ পৰা আৰক্ষীয়ে ইতিমধ্যে দুটাকৈ মোবাইল জব্দ কৰিছে বুলি জানিব পৰা গৈছে।
কিন্তু কালি দুপৰীয়াভাগৰ পৰা CID ৰে সংযোগ বিচ্ছিন্ন হয় সঞ্জীতৰ।
কৰিমগঞ্জৰ আৰক্ষী অধীক্ষকৰ কাৰ্যালয়ৰ পৰাই প্ৰশ্ন কাকত ফাদিল হোৱা বুলি ইতিমধ্যে CIDৰ আগত অক্ষয় টেলি কমিউনিকেশ্যনৰ ৰুবুল হাজৰিকাই স্বীকাৰুক্তি দিছে বুলি সূত্ৰত প্ৰকাশ পাইছে।
অভিযোগ অনুসৰি ৪০ লাখ টকাৰ বিনিময়ত ৰুবুলক প্ৰশ্নকাকত ফটো মাৰি লোৱাৰ অনুমতি দিছিল সঞ্জীতে। সেই ফ’টো দিবন ডেকালৈ WHATSAPP যোগে ৰুবুল হাজৰিকাই প্ৰেৰণ কৰিছিল বুলিও খবৰ প্ৰকাশ পাইছে।
CID-এ সঞ্জীত কৃষ্ণৰ হাউচ গাৰ্ড, তিনি কনিষ্টবল, দত্ত উপাধিধাৰী কৰিমগঞ্জৰ ট্ৰেফিক SI ৰ স্বীকাৰোক্তি বা জবানবন্দী সঞ্জীতৰ বিৰুদ্ধে প্ৰমাণ হিচাপে দাখিল কৰিব বুলি সূত্ৰত প্ৰকাশ পাইছে।
উল্লেখ্য যে যোৱা ১১ অক্টোবৰত কুমাৰ সঞ্জিত কৃষ্ণক কৰিমগঞ্জৰ পৰা বৰপেটাৰ এফ আৰ আৰ অ’ৰ আৰক্ষী অধীক্ষক হিচাপে বদলি কৰে। সূত্ৰ অনুসৰি, সঞ্জিত কৃষ্ণক শাস্তিমূলকভাৱে এই গুৰুত্বহীন পদটোলৈ বদলি কৰা হয়।
ৰাজ্যৰ মুখ্য সচিব কুমাৰ সঞ্জয় কৃষ্ণৰ ভাতৃ সঞ্জীত কৃষ্ণ।
