নেশ্যনেল টেষ্টিং এজেন্সি (এন টি এ) যৌথ CSIR UGC NET, জুন ২০২০’ পৰীক্ষাৰ দিন পুনৰ্নিদ্ধাৰণ কৰিছে।
নতুন সূচী অনুসৰি CSIR UGC NET, জুন ২০২০’ পৰীক্ষা অহা ১৯,২১ আৰু ২৬ নৱেম্বৰত অনুষ্ঠিত হ’ব।
এন টি এই প্ৰকাশ কৰা চৰকাৰী বিজ্ঞপ্তি অনুসৰি বিশাল সংখ্যক শিক্ষাৰ্থীৰ অধ্যয়নৰ আগ্ৰহৰ প্ৰতি লক্ষ্য কৰি গৃহ মন্ত্ৰ্যালয়ে বিভিন্ন প্ৰৱেশ পৰীক্ষা পৰিচালনাৰ বাবে শিক্ষা মন্ত্ৰ্যালয়ৰ প্ৰস্তাৱত সন্মতি প্ৰকাশ কৰিছে।
পৰীক্ষাৰ পূৰ্বে প্ৰাৰ্থীসকলে ইয়াৰ অফিচিয়েল ৱেবছাইটৰ পৰা এডমিট কাৰ্ড ডাউনলোড কৰিব পাৰিব।
এডমিট কাৰ্ডত পৰীক্ষাৰ ৰোল নম্বৰ, পৰীক্ষা কেন্দ্ৰ, তাৰিখ, শ্বিফ্ট তথা সময় উল্লেখ থাকিব। বিতং তথ্যৰ বাবে যৌথ CSIR UGC NET, জুন ২০২০’ ৰ ৱেবছাইট csirnet.nta.nic.in বা www.nta.ac.in চাবলৈ কোৱা হৈছে।
পৰীক্ষা সম্পৰ্কে কেইটামান বিশেষ কথা:
ক) কম্পিউটাৰৰ জৰিয়তে অনুষ্ঠিত হ’ব পৰীক্ষা
খ) তিনিটা শাখাত হ’ব পৰীক্ষা। সকলো বিভাগতে অৱজেক্টিভ টাইপ মাল্টিপ’ল প্ৰশ্ন থাকিব।
কম্পিটাৰ ভিত্তিক পৰীক্ষা পদ্ধতি (চি বি টি):
প্ৰতিজন প্ৰাৰ্থীকে ৰোল নম্বৰ নিৰ্দেশক এটা কম্পিউটাৰ টাৰ্মিনেল (ন’ড) দিয়া হ’ব। প্ৰাৰ্থীসকলে তেওঁলোকৰ বাবে অনুমোদিত কম্পিউটাৰত বহিব লাগিব। প্ৰাৰ্থীয়ে পৰীক্ষা হল, ঘৰ বা কম্পিউটাৰ সলনি কৰিব নোৱাৰিব। অন্যথা পৰীক্ষা বাতিল হ’ব।
