মুখ্যমন্ত্ৰী বিশেষ বৃত্তি পৰীক্ষাত মৰিগাঁও জিলাৰ এইবাৰৰ ফলাফল বিগত বৰ্ষৰ তুলনাত সন্তোষজনক।
বিগত বৰ্ষত নিম্ন প্ৰাথমিক পৰ্যায়ত উত্তীৰ্ণৰ হাৰ আছিল ১৯% আৰু উচ্চ প্ৰাথমিক পৰ্যায়ত উত্তীৰ্ণৰ হাৰ ৩৬%।
আনহাতে সদ্য ঘোষিত মুখ্যমন্ত্ৰী বিশেষ বৃত্তি পৰীক্ষা, ২০১৯ৰ প্ৰাথমিক পৰ্যায়ত উত্তীৰ্ণৰ হাৰ ৪৬.৬৫ % আৰু উচ্চ প্ৰাথমিক পৰ্যায়ত ৬৩.৭১%।
পঞ্চম শ্ৰেণীৰ বৃত্তি পৰীক্ষাত চেনিমাৰী প্ৰাথমিক বিদ্যালয়ৰ ছাত্ৰ মিজানুৰ ৰহমানে ১০০ ৰ ভিতৰত ১০০, কৃষ্ণ গুৰু বিদ্যাজ্যোতি প্ৰাথমিক বিদ্যালয়ৰ ভাগ্যশ্ৰী বৰাই ৯৮, তৰাবড়ী প্ৰাথমিক বিদ্যালয়ৰ চাহিল হুছেইনে ৯৭, চাহ খোৱা পুখুৰী প্ৰাথমিক বিদ্যালয়ৰ চালমা ফাহিনে ৯৭, পূৱ জালুগুটি প্ৰাথমিক বিদ্যালয়ৰ আজমল আলীয়ে ৯৭, ঘুনুচা প্ৰাথমিক বিদ্যালয়ৰ আফচানাৰা ফাহিনে ৯৬, মৰিগাঁও মজলীয়া বিদ্যালয়ৰ স্মৃতা দাসে ৯৬ ,মনহা প্ৰাথমিক বিদ্যালয়ৰ বিনীতা ডেকাই ৯৫ নম্বৰ লাভ কৰিছে।
আনহাতে অষ্টম শ্ৰেণীৰ ক্ষেত্ৰত মৰিগাঁও মজলীয়া বিদ্যালয়ৰ ক্ৰিবিয়ানা কায়নাতে ১৫০ নম্বৰৰ ভিতৰত ১৪৮ আৰু জালুগুটি উচ্চতৰ মাধ্যমিক বিদ্যালয়ৰ ৰাহুল আহমেদে ১৪১ নম্বৰ লাভ কৰি জিলাখনৰ ভিতৰতে প্ৰথম আৰু দ্বিতীয় স্থান লাভ কৰিবলৈ সক্ষম হৈছে।
মুখ্যমন্ত্ৰী মন্ত্ৰী বিশেষ বৃত্তি পৰীক্ষাত মৰিগাঁও জিলাৰ ফলাফল তুলনামূলকভাৱে উন্নত হোৱাত শিক্ষক-শিক্ষাৰ্থীসকলক অভিনন্দন জনাই পৰৱৰ্তী সময়ত অধিক উন্নত ফলাফল লাভ কৰিবলৈ পদক্ষেপ গ্ৰহণ কৰা হ’ব বুলি মৰিগাঁও জিলা প্ৰাথমিক শিক্ষা বিষয়া কমল জ্যোতি গগৈয়ে সদৰী কৰে।
স্মৰ্তব্য যে, মৰিগাঁও জিলাৰ শিক্ষা বিষয়াৰূপে দায়িত্ব গ্ৰহণ কৰিয়েই কমল জ্যোতি গগৈয়ে মুখ্যমন্ত্ৰী বিশেষ বৃত্তি পৰীক্ষাৰ বাবে বিশেষভাৱে প্ৰস্তুতি কৰিবলৈ বিদ্যালয়সমূহক পৰামৰ্শ দিয়াৰ প্ৰয়োজনীয় পদক্ষেপ গ্ৰহণ কৰিছিল।
আনহাতে ছাত্ৰ-ছাত্ৰীসকলৰ বিদ্যাতয়নিক দিশত শিক্ষক-শিক্ষয়িত্ৰীসকলৰ ভূমিকাক মৰিগঞা ৰাইজে প্ৰশংসা কৰিছে।
