অহা ১৭ ডিচেম্বৰত অনুষ্ঠিত হ’ব লগীয়া তিৱা স্বায়ত্ত পৰিষদৰ নিৰ্বাচনৰ অধিসূচনাত অসম ৰাজ্যিক নিৰ্বাচন আয়োগে সমষ্টি সমূহত কিছু শুধৰণি কৰিছে ।
পূৰ্বৰ সমষ্টিৰ তালিকাৰ মতে ২ নং বৰংগনি (মুকলি) আছিল আৰু এতিয়া অনুসূচিত জনজাতিৰ বাবে সংৰক্ষিত ৰখা হৈছে । ৩ নং ভূৰবন্ধা পূৰ্বৰ মুকলিৰ সলনি এতিয়া অনুসূচিত জনজাতিৰ বাবে সংৰক্ষিত ৰখা হৈছে ।
১০ নং তেতেলিয়া সমষ্টি মুকলিৰ সলনি এছ,টিৰ বাবে সংৰক্ষিত ৰখা হৈছে । ১৬ নং চলমাৰি সমষ্টি এছ,টিৰ ঠাইত মুকলি ৰখা হৈছে ।
১৭ নং ভুমুৰাগুৰি সমষ্টি মুকলিৰ সলনি এছ,টিৰ বাবে সংৰক্ষিত ৰখা হৈছে । ১৯ নং বৰছিলা সমষ্টিত মুকলিৰ সলনি এছ টিৰ বাবে সংৰক্ষিত ৰখা হৈছে ।
২০ নং বাৰপূজীয়া সমষ্টিত মুকলিৰ সলনি এছ টিৰ বাবে সংৰক্ষিত ৰখা হৈছে । ২৭ নং কাকি সমষ্টি এছ,টিৰ বাবে সংৰক্ষিত আসন মুকলি ৰখা হৈছে ।
২৮ নং লুতুমাৰি সমষ্টি এছ,টিৰ বাবে সংৰক্ষিত আসন এতিয়া মুকলি ৰখা হৈছে । ৩৫ নং আমপ্ৰি সমষ্টি এছ,টিৰ বাবে সংৰক্ষিত আসন এতিয়া মুকলি ৰখা হৈছে ।
৩৬ নং ফংআৰি সমষ্টিটোও এছ,টিৰ সলনি মুকলি ৰখা হৈছে ।
আনহাতে মনোনয়ন পত্ৰ দাখিল কৰা আৰু উঠাই লোৱাৰ তাৰিখ জাননী খনত কিছু সালসলনি কৰা হৈছে ।
সেই মতে মনোনয়ন পত্ৰ দাখিল কৰাৰ অন্তিম দিন হিচাপে ধাৰ্য কৰা হৈছে ২৮-১১-২০২০(শনিবাৰ) পুৱা ১১ বজাৰ পৰা আবেলি ৩ বজালৈ ।
মনোনয়ন পত্ৰ পৰীক্ষা কৰা হ’ব ০১-১২-২০২০(মঙ্গলবাৰ) আবেলি ৩ বজালৈ । মনোনীত প্ৰাৰ্থীৰ বৈধ্যতাৰ তালিকা ০১-১২-২০২০ ( মঙ্গলবাৰ) ।
মনোনয়ন পত্ৰ উঠাই লোৱাৰ তাৰিখ ০৩-১২-২০২০( বৃহস্পতিবাৰ) আবেলি ৩ বজালৈ । প্ৰতিদ্বন্দী প্ৰাৰ্থীৰ তালিকা প্ৰকাশ কৰা হব ০৩-১২-২০২০ ( বৃহস্পতি বাৰ) তাৰিখে ।ৰাজ্যিক নিৰ্চনী আয়ুক্ত অলক কুমাৰৰ স্বাক্ষৰিত এক প্ৰছ বিবৃতিত জিলা তথ্য আৰু জনসংযোগ বিষয়া সুনীতি নাৰ্জাৰীয়ে জানিবলৈ দিয়ে ।
