অহা ১৭ ডিচেম্বৰত অনুষ্ঠিতব্য তিৱা স্বায়ত্ব শাসিত পৰিষদৰ নিৰ্বাচনৰ বাবে প্ৰস্তুতি সম্পূৰ্ণ কৰি তুলিছে নগাঁও জিলা প্ৰশাসনে।
আজি নগাঁও জিলা উপায়ুক্ত কাৰ্যালয়ৰ সভাকক্ষত আয়োজিত এখন সংবাদ মেলত এই কথা সদৰি কৰে নগাঁও জিলাৰ উপায়ুক্ত কবিথা পদ্মনাভনে।
জিলা উপায়ুক্ত গৰাকীয়ে সদৰি কৰা মতে নগাঁও জিলাত প্ৰশাসনৰ অধীনত ১০ টা তিৱা স্বায়ত্ব শাসিত পৰিষদীয় সমষ্টি আছে। এই সমষ্টি সমূহ হৈছে-বাৰপূজীয়া, টোপাকুচি, জৰাবাৰী, জোঙালবলহু, চহৰী, লুটুমাৰী, কমাৰগাঁও, নামবৰ লালুংগাওঁ আৰু লালুংপাৰ। এই ১০ টা পৰিষদীয় সমষ্টিত ৩৮ জন প্ৰাৰ্থীয়ে প্ৰতিদ্বন্দিতা কৰিব।
ইয়াৰ ভিতৰত বিজেপিৰ ১০ জন,।কংগ্ৰেছৰ ১০ জন, অগপৰ ২ জন আৰু অন্যান্য ১৬ জন।ভোটগ্ৰহণৰ বাবে ১০১ টা ভোটগ্ৰহণ কেন্দ্ৰ স্থাপন কৰা হৈছে। এই ভোটগ্ৰহণ কেন্দ্ৰ সমূহৰ ভিতৰত ১৭ টা স্পৰ্শকাতৰ আৰু ৩৩ টা অতি স্পৰ্শকাতৰ ভোটগ্ৰহণ কেন্দ্ৰ আছে।
বাৰপূজীয়া, টোপাকুচি, চহৰী, কমাৰগাঁও সমষ্টিত ৩ টা অতি স্পৰ্শকাতৰ,।জৰাবাৰীত ৯ টা অতি স্পৰ্শকাতৰ, জোঙালবলহুত ৫ টা অতি স্পৰ্শকাতৰ, নামবৰ লালুং গাঁৱত এটা অতি স্পৰ্শকাতৰ আৰু ৪ টা স্পৰ্শকাতৰ,।লুটুমাৰীত ৬ টা অতিস্পৰ্শকাতৰ ভোট গ্ৰহণ কেন্দ্ৰ আছে।
উপায়ুক্ত গৰাকীয়ে জনোৱা মতে তিৱা পৰিষদীয় সমষ্টিত ৮ হাজাৰ ২৪২ জন ভোটাৰ আছে। ইয়াৰে পুৰুষ ভোটাৰৰ সংখ্যা ৪০৬১৭ জন আৰু মহিলা ভোটাৰৰ সংখ্যা ৩৯৬২৫ গৰাকী।ভোটগ্ৰহণ কেন্দ্ৰৰ বাবে ১৮৭ জন প্ৰিজাইডিং বিষয়া আৰু ৩৯৮ জন পুলিং বিষয়া নিযুক্তি দিয়া হৈছে।
তেওঁলোকক অহা ৭ ডিচেম্বৰৰ পৰা ১২ ডিচেম্বৰত নগাঁও ছোৱালী মহাবিদ্যালয়, নগাঁও নাট্য মন্দিৰ আৰু আনন্দৰাম ঢেকিয়াল ফুকন মহাবিদ্যালয়ত প্ৰশিক্ষণ দিয়া হ’ব।নিৰ্বাচনৰ এই সমগ্র প্ৰক্ৰিয়া নিৰীক্ষণৰ বাবে ৩ টা দলক দায়িত্ব দিয়া হৈছে।
এটা কন্ট্ৰল ৰুমৰ নম্বৰ দিয়া হৈছে। এই নম্বৰ হৈছে-০৩৬৭২-২৩৬৮২৭। সংবাদমেলখনত অতিৰিক্ত উপায়ুক্ত হেমন্ত ভূঞা, জয়ন্ত কুমাৰ বৰা, জিলা নিৰ্বাচনী বিষয়া ৰাজ বৰা আদিও উপস্থিত থাকে।
