টিটেনাচ আৰু ডিফথেৰিয়া ৰোগ নিৰ্মূল কৰাৰ লক্ষ্যৰে বৰপেটাৰ উপায়ুক্তৰ সভাকক্ষত আজি এখন বৈঠক অনুষ্ঠিত হয় ৷
জিলা উপায়ুক্ত মুনীন্দ্ৰ শৰ্মাৰ সভাপতিত্বত অনুষ্ঠিত বৈঠকখনত স্বাস্থ্য বিভাগৰ বিষয়া আৰু সাংবাদিক- সংবাদকৰ্মীসকল উপস্থিত থাকে ৷
বৈঠকত টিটেনাচ আৰু ডিফথেৰিয়া (Td) টিকাকৰণৰ ওপৰত বিশদভাবে আলোচনা কৰা হয় ৷
১০ বছৰৰ শিশু আৰু ১৬ বছৰৰ কিশোৰ কিশোৰীক এই টিকা প্ৰদান কৰা হব ৷
১৪ ডিচেম্বৰৰ পৰা এই টিকাকৰণ কৰা হব বুলি স্বাস্থ্য বিভাগে জানিবলৈ দিয়ে ৷ জিলাখনৰ মুঠ ৯৪,৪৮০ গৰাকীক লক্ষ্য কৰি লৈ এই টিকাকৰণ কৰা হব ৷
১৪ ডিচেম্বৰৰ পৰা বৰপেটা জিলাত ৰূপায়ন কৰিব লগা টিকাকৰণৰ কাৰ্যসূচী সফল কৰাৰ বাবে ৰাইজৰ সহায় সহযোগ কামনা কৰে উপায়ুক্ত মুনীন্দ্ৰ শৰ্মাই ৷
এই বৈঠকত অতিৰিক্ত উপায়ুক্ত সব্যসাচী কাশ্যপ, সান্তনা বৰা, যুটীয়া স্বাস্থ্য সঞ্চালক ডা: তীৰ্থনাথ শৰ্মা, ডা: প্ৰমথেশ শৰ্মা, ডা: ৰাজীৱ বৰবৰা, জিলা তথ্য আৰু জনসংযোগ বিষয়া বিকাশ শৰ্মাৰ লগতে স্বাস্থ্য বিভাগৰ অন্যান্য বিষয়া সকল উপস্থিত থাকে ৷
