কেন্দ্ৰীয় গৃহ মন্ত্ৰী অমিত শ্বাহে ২৩ জানুৱাৰিত পাহাৰীয়া ৰাজ্য মেঘালয় ভ্ৰমণলৈ আহিব।
গৃহ মন্ত্ৰী অমিত শ্বাহৰ মেঘালয় ভ্ৰমণৰ সময়তে মুখ্য মন্ত্ৰী কনৰাড চাংমাই অমিত শ্বাহৰ সৈতে আন্তঃৰাজ্যিক পাৰপত্ৰ সম্বন্ধে আলোচনা কৰিব।
শ্বিলঙত অনুষ্ঠিত হ’বলগীয়া নৰ্থ-ইষ্টাৰ্ণ কাউন্সিলৰ বৈঠকত সভাপতিত্ব কৰাৰ উদ্দেশ্যে অমিত শ্বাহ ২৩ জানুৱাৰিত মেঘালয়লৈ আহিব।
মেঘালয় ডেম’ক্ৰেটিক এলায়েন্সে মেঘালয়ত ৰাজ্য চৰকাৰে সুকীয়াকৈ আন্তঃৰাজ্যিক পাৰপত্ৰ প্ৰদান কৰিব বিচৰা প্ৰসংগত কেন্দ্ৰীয় গৃহ মন্ত্ৰীৰ হস্তক্ষেপ বিচাৰিছে।
‘‘যদিহে কেন্দ্ৰীয় গৃহ মন্ত্ৰী অমিত শ্বাহে মেঘালয় ভ্ৰমণলৈ আহে তেন্তে আমি তেওঁক শ্বিলঙত সাক্ষাৎ কৰিম,’’ মুখ্য মন্ত্ৰী কনৰাড চাংমাই এইদৰে কয়।
ইপিনে, যদিহে কিবা কাৰণত গৃহ মন্ত্ৰী গৰাকীৰ মেঘালয় ভ্ৰমণ বাতিল হ’য় তেতিয়া তেওঁ দিল্লীলৈ গৈ শ্বাহক সাক্ষাৎ কৰিব আৰু বিষয়টো উত্থাপন কৰিব।
মেঘালয় বিধানসভাই বিগত বৰ্ষতে সুকীয়াকৈ ৰাজ্যখনত আন্তঃৰাজ্যিক পাৰপত্ৰৰ ব্যৱস্থা কৰাৰ সিদ্ধান্ত গ্ৰহণ কৰিছিল।
কেন্দ্ৰ চৰকাৰৰ দ্বাৰা এইক্ষেত্ৰত কোনোধৰণৰ উত্তৰ নহাত ৰাজ্যখনৰ বিভিন্ন গোটৰ মাজত অসন্তুষ্টিৰ সৃষ্টি কৰিছে।
