ভাৰতকে ধৰি বিশ্বৰ বিভিন্ন দেশত অতিমাৰী কোভিডক ৰুধিবলৈ আৰম্ভ হৈছে ভেকচিন প্ৰদানৰ কাম।
ইতিমধ্যে ভাৰতৰ লক্ষাধিক লোকক কালি ভেকচিন প্ৰদান কৰা হৈছে।
ভেকচিন গ্ৰহণ কৰা বহু কেইজন লোকে ব্যাপক পাৰ্শ্ব প্ৰতিক্ৰিয়াত ভোগাৰ বাতৰিও আহিছে।
নৰ’ৱেত ভেকচিন গ্ৰহণৰ পিছতে ২৯ জনকৈ লোকে মৃত্যুক সাৱটি লৈছে।
সমান্তৰাল ভাবে ইজৰাইলতো কোভিডৰ ভেকচিন গ্ৰহণৰ পিছত ১৩ জনক লোকৰ মুখৰ এটা ফাল পেৰালাইছিছত আক্ৰান্ত হোৱাৰ কথাটোৱে এতিয়া বিপাঙত পেলাইছে দেশ খনৰ স্বাস্থ্য বিভাগক।
ইজৰাইলৰ স্বাস্থ্য বিভাগৰ এগৰাকী মুখপাত্ৰই প্ৰকাশ কৰা মতে ভেকচিন গ্ৰহণৰ পিছত মুখৰ এফাল পেৰালাইছিছত আক্ৰান্ত হোৱা লোকৰ সংখ্যা আৰু অধিক বৃদ্ধি পোৱাৰ আশংকা আছে।
মুখৰ এটা অংশ পেৰালাইছিছত আক্ৰান্ত হোৱা লোকসকল বাতৰি লিখা পৰ্যন্ত সুস্থ হৈ উঠা নাই।
উল্লেখ্য ২০২০ চনৰ ২০ ডিচেম্বৰৰ দিনা আৰম্ভ হোৱা ফাইজাৰৰ কোভিড ভেকচিনৰ পৰীক্ষণৰ সময়তো ব্ৰিটেইনত চাৰিজন লোক বেলছ পালছি নামৰ বিশেষ ৰোগত আক্ৰান্ত হৈছিল।
এই ৰোগৰ লক্ষণ হৈছে মুখৰ এটা অংশ অসাৰ হৈ পৰা। ইজৰাইলতো তেনে ঘটনাৰেই পুনৰাবৃত্তি ঘটা বুলি বহুতে আশংকা কৰিছে।
