কংগ্ৰেছৰ জেষ্ঠ সাংসদ শশী থাৰুৰ আৰু ৰাজদ্বীপ চৰদেশাইৰ বিৰুদ্ধে এজাহাৰ দাখিল কৰিছে নয়দা আৰক্ষীয়ে।
গণৰাজ্য দিৱসৰ দিনটোত প্ৰতিবাদী কৃষক সকলে উলিওৱা ট্ৰেক্টৰ ৰেলীৰ সময়ত সংঘটিত হোৱা হিংসাত্মক ঘটনাৰ সময়ত মিছা বাতৰি প্ৰচাৰ কৰা সন্দৰ্ভত নয়দা আৰক্ষীয়ে কংগ্ৰেছ সাংসদ শশী থাৰুৰ, সাংবাদিক ৰাজদ্বীপ চৰদেশাই, মৃণাল পাণ্ডেৰ লগতে আঠ গৰাকী ব্যক্তিৰ বিৰুদ্ধে এজাহাৰ দাখিল কৰিছে।
ছ’চিয়েল মিডিয়াৰ মাধ্যমেৰে গণৰাজ্য দিৱসৰ দিনটোত প্ৰতিবাদী কৃষকে সংঘটিত কৰা হিংসা সন্দৰ্ভত ভূৱা তথ্য প্ৰচাৰিত কৰাৰ অভিযোগ উত্থাপন হৈছে থাৰুৰ আৰু ৰাজদ্বীপ চৰদেশাইৰ বিৰুদ্ধে।
ইপিনে, ৰাজদ্বীপ চৰদেশাই কাম কৰি থকা টাইমছ গ্ৰুপেও সাংবাদিক গৰাকীৰ বিৰুদ্ধে ব্যৱস্থা গ্ৰহণ কৰিছে।
উল্লেখযোগ্য যে, গণৰাজ্য দিৱসৰ দিনটোত প্ৰতিবাদী কৃষক সকলে দিল্লীত আৰক্ষীৰ অনুমতি সাপেক্ষে শান্তিপূৰ্ব ট্ৰেক্টৰ ৰেলীৰ অনুমতি বিচাৰিছিল।
আৰক্ষীয়ে অনুমতি প্ৰদান কৰাৰ পাছত প্ৰতিবাদী কৃষক সকল দিল্লীত প্ৰৱেশ কৰি উগ্ৰ হৈ পৰে আৰু চৰম অৰাজকভাৱে লালকিল্লাত প্ৰৱেশ কৰি নিজৰ পতাকা উৰুৱায়।
আজি আৰম্ভ হোৱা সংসদৰ যৌথ অধিৱেশনৰ ভাষণত ৰাষ্ট্ৰপতি ৰামনাথ কোবিন্দে দিল্লীত প্ৰতিবাদী কৃষকৰ ৰেলীৰ সময়ত হোৱা হিংসাত্মক ঘটনাক সমালোচনা কৰি এয়া ৰাষ্ট্ৰীয় পতাকা আৰু গণৰাজ্য দিৱসৰ প্ৰতি অসন্মান বুলি কয়।