প্ৰমোদ বড়ো নেতৃত্বাধীন ইউপিপিএল,বিজেপি আৰু জিএছপি মিত্ৰজোঁট বিটিআৰ পৰিষদীয় চৰকাৰৰ ছয় গৰাকী নতুন কাৰ্যৱাহী সদস্যই শপতগ্ৰহণ কৰিছে৷
কোকৰাঝাৰৰ বডোফা নগৰস্থিত বিটিআৰ সচিবালয়ৰ সভাকক্ষত অনুষ্ঠিত এক অনুষ্ঠানত বিটিআৰৰ প্ৰধান সচিৱ ড°সিদ্বাৰ্থ সিঙে নতুন কাৰ্যৱাহী সকলৰ শপতগ্ৰহণ আৰু গোপনীয়তাৰ শপত বাক্য পাঠ কৰায়৷
শপতগ্ৰহণ কৰা কাৰ্যবাহী সকলৰ ভিতৰত তিনি গৰাকী ইউপিপিএলৰ ক্ৰমে ড° নীলোৎ স্বৰ্গীয়াৰী,ডাউবাইছা বড়ো,ৰাকেশ ব্ৰহ্ম আৰু বিজেপিৰ তিনি গৰাকী ক্ৰমে ধৰ্ম নাৰায়ণ দাস,সঞ্জীৱ তাঁতী আৰু ৰেৱৰেৱা নাৰ্জীহাৰী৷
শপতগ্ৰহণ অনুষ্ঠানৰ পিচত বিটিআৰৰ মুখ্য কাৰ্যৱাহী প্ৰমোদ বড়োই সাংবাদিকৰ আগত কয় যে সোতৰ বছৰীয়া শাসনৰ পৰিবৰ্তন কৰিব বিচাৰিলে সুশৃংখলিত ভাৱে ৰাইজৰ কাম -কাজ কৰিব লাগিব৷
ৰাইজৰ বহু আশা-আকাংক্ষা আছে৷গতিকে আমি অন্তৰৰ পৰা কাম কৰিব লাগিব৷স্থিৰভাৱে কৰিব লাগিব৷বহুতে কান্দিছে,হাঁহিছে৷ঠিকাদাৰে ঘেৰি ৰাখিছে৷গাম্ভীৰ্যতা অক্ষুণ্ণ ৰাখিব লাগিব৷কিছুমান স্থায়ী দীৰ্ঘম্যাদী আঁচনি লব লাগিব৷অধ্যয়ন আৰু গৱেষণাৰ প্ৰয়োজন৷ পইচাৰ অপব্যৱহাৰ হব নালাগে৷জলসিঞ্চন,জন-স্বাস্থ্য,কৃষি বিভাগত একো হোৱা নাই৷যি সকলক ইএম দিব পাৰা নাই৷তেওঁলোককো কাম দিয়া হব৷ভগাই কাম কৰিব লাগিব৷এটা টীম হৈ কাম কৰিব লাগিব৷তাৎক্ষণিকভাৱে পুনৰীক্ষণ বৈঠক৷পথ আৰু জল সম্পদক প্ৰাধান্য দিয়া হ’ব।৷ইউপিপিএল,বিজেপি,জিএচপিৰ পৰিষদত লুকুৱাব লগীয়া একো নাই
আনপিনে সম্প্ৰতি বিটিআৰত উচ্ছেদকলৈ অব্যাহত থকা বিষয়টো সন্দৰ্ভত বিটিআৰৰ মুখ্য কাৰ্যৱাহী প্ৰমোদ বড়োই বিটিআৰত বৰ্তমানলৈ উচ্ছেদৰ কোনো সিদ্বান্ত গ্ৰহণ কৰা হোৱা নাই বুলি কয়৷
কিন্তু পূৰ্বৰ পৰিষদীয় চৰকাৰৰ দিনত সংঘটিত উন্নয়নমুলক কাম-কাজৰ ক্ষেত্ৰত সংঘটিত হোৱা কেলেংকাৰীৰ বিষয়ে তদন্ত কৰা হব বুলি তেওঁ প্ৰকাশ কৰে৷
বিশেষকৈ ঘঁৰিয়ালৰ দৰে এফালৰ পৰা গিলি খোৱা চিএছবিৰ ওপৰত তদন্ত কৰি থকা হৈছে৷
লগতে বিটিআৰ অঞ্চলত যি সকল নিৰীহ লোকক ডাইনী সন্দেহত হত্যা কৰা হৈছিল তেনে ব্যক্তিৰ পৰিয়ালক নিকটতম আত্মীয়ক আৰ্থিক সাহায্য প্ৰদানৰ বাবে আগন্তুক বিটিআৰ অধিবেশনত আলোচনা কৰি ন্যায় প্ৰদানৰ ব্যৱস্থা কৰা হব বুলিও কয়৷
