পথ বন্ধ কৰি সভা-সমাৱেশ পতা, প্ৰতিবাদ কৰাসকলৰ বাবে কঠোৰ পদক্ষেপ গ্ৰহণ কৰিব বিহাৰ চৰাকৰে। পথ বন্ধ কৰি সভা পাতিলে বা আন প্ৰতিবাদী কাৰ্যসূচী ৰূপায়ন কৰিলে চৰকাৰী চাৰিৰ পৰাও বঞ্চিত কৰা হ’ব।
বিহাৰ আৰক্ষীয়ে জাৰি কৰা এনে এখন চাৰ্কুলাৰক লৈ বিতৰ্কৰ সৃষ্টি হৈছে। বিৰোধী ৰাজনৈতিক দলবোৰে চৰাকৰৰ এনে সিদ্ধান্তৰ তীব্ৰ বিৰোধিতা কৰিছে।
আনহাতে, এই সন্দৰ্ভত ৰাজ্যখনৰ মুখ্যমন্ত্ৰী নীতিশ কুমাৰক বিহাৰ বিধানসভাৰ বিৰোধী দলপতি তেজস্বী যাদৱে হিটলাৰ বুলি অভিহিত কৰিছে।
বিহাৰ আৰক্ষীয়ে জাৰি কৰা বিজ্ঞপ্তিত কোৱা হৈছে যে এইবাৰৰ পৰা পথ বন্ধ কৰি সভা, সমাৱেশ বা আন প্ৰতিবাদী কাৰ্যসূচী ৰূপায়ন কৰিলে চৰকাৰী চাকৰি নাপাব। সেইদৰে অভিযুক্তই কোনো চৰকাৰী টেণ্ডাৰ প্ৰক্ৰিয়াতো অংশ ল’ব নোৱাৰিব।
চাৰ্কুলাৰ মতে এইবাৰৰ পৰা বিহাৰত পথত কোনো প্ৰতিবাদী কাৰ্যসূচী ৰূপায়ন হ’লে তাৰপাছত যদি হিংসাত্মক পৰিস্থিতিৰ সৃষ্টি হয় তেতিয়াহ’লে যিসকলে প্ৰতিবাদ কাৰ্যসূচীত অংশগ্ৰহণ কৰে আৰক্ষীয়ে তেওঁলোকৰ চৰিত্ৰৰ প্ৰমানপত্ৰ ইছ্যু কৰিব।
ইয়াৰ পাছত অবিযুক্তসকলৰ কোনোৱে চাকৰিৰ বাবে আবেদন কৰিলে বা ব্যৱসায়ৰ বাবে অনুজ্ঞাপত্ৰ, পাছপ’ৰ্টৰ বাবে আবেদন কৰিলে তেতিয়া আৰক্ষীৰ ওচৰত অভিযোগ দাখিল হোৱা ব্যক্তিয়ে সেই সুবিধা নাপাব।
