২০২১ উত্তৰ পূৰ্বাঞ্চলৰ ৰে’লযাত্ৰীৰ সুবিধাৰ অৰ্থে উত্তৰ পুব সীমান্ত ৰে’লৱেই ডিব্ৰুগড় আৰু নতুন দিল্লীৰ মাজত চলাচল কৰা ০২৫০৩/০২৫০৪ ডিব্ৰুগড়-নতুন দিল্লীৰ ডিব্ৰুগড় ৰাজধানী স্পেচিয়েল ৰে’লখনৰ চলাচলৰ ফিকুৱেন্সী সপ্তাহত এদিনৰ পৰা ৫ দিনলৈ বৃদ্ধি কৰাৰ সিদ্ধান্ত গ্ৰহণ কৰিছে। উত্তৰ পূৱ সীমান্ত ৰে’লৱেই সংবাদ মাধ্যমলৈ প্ৰেৰণ কৰা এক বিবৃতিত এই কথা উল্লেখ কৰিছে।
বিবৃতিত লগতে কোৱা হৈছে যে এই ৰে’লখনৰ সময়সূচী, ষ্টপেজ আৰু গঠন পূৰ্বৰ দৰে একেই থাকিব।
সেই অনুসাৰে ০২৫০৩ ডিব্ৰুগড়-নতুন দিল্লী ৰাজধানী স্পেচিয়েল ৰে’লখনে প্রত্যেক ৰবিবাৰ, মঙ্গলবাৰ, বুধবাৰ, বৃহস্পতিবাৰ আৰু শনিবাৰে ডিব্ৰুগড়ৰ পৰা ১৯.৫৫ বজাত যাত্ৰা আৰম্ভ কৰি আৰু যাত্ৰাৰ তৃতীয় দিনত নতুন দিল্লীত উপস্থিত হ’ব।
আনহাতে উভতি যাত্ৰাৰ সময়ত নতুন দিল্লী-ডিব্ৰুগড় ৰাজধানী স্পেচিয়েল ৰে’লখনে প্ৰত্যেক সোমবাৰ, মঙ্গলবাৰ, বুধবাৰ, শুক্ৰবাৰ আৰু শনিবাবে নতুন দিল্লীৰ পৰা ১১.২৫ বজাত যাত্ৰা আৰম্ভ কৰি যাত্ৰাৰ তৃতীয় দিনৰ ০৫.৩০ বজাত ডিব্রুগড়ত আহি উপস্থিত হ’ব।
এই অতিৰিক্ত ৰে’লসেৱা ডিব্ৰুগড়ৰ পৰা অহা ১৬ ফেব্ৰুৱাৰি আৰু নিউ দিল্লীৰ পৰা অহা ১৯ ফেব্ৰুৰাৰিৰ পৰা কাৰ্যকৰী হোৱাকৈ চলাচল আৰম্ভ কৰিব।
ডিব্রুগড়-নতুন দিল্লী-ডিব্ৰুগড় ৰাজধানী স্পেচিয়েল ৰে’লখনৰ ফিকুৱেন্সী বৃদ্ধিৰ প্ৰতি লক্ষ্য ৰাখি ০১৬৬৬ আগৰতলা-হবিবগঞ্জ সাপ্তাহিক স্পেচিয়েল ৰে’লখনৰ সময়সূচী নিউ কৰিমগঞ্জ, বদৰপুৰ, নিউ হাফলং, চাপৰমুখ, গুৱাহাটী, ৰঙিয়া, নিউ বঙাইগাঁও, নিউ কোচবিহাৰ আদিৰ দৰে কেইটামান ষ্টেচনৰ বাবে সংশোধন কৰা হৈছে।
আনহাতে উঃ পূঃ সীমান্ত ৰে’লৱেই উদয়পুৰ-কামাখ্যা-উদয়পুৰৰ মাজত স্পেচিয়েল ৰে’ল নং ০৯৭০৯/০৯৭১০ৰ সেৱা পুনৰ আৰম্ভ কৰাৰ বাবে সিন্ধান্ত গ্ৰহণ কৰিছে। ৰে’ল নং ০৯৭০৯ উদয়পুৰ-কামাখ্যা ৰে’লখন অহা ৮ ফেব্ৰুৱাৰিৰ পৰা কাৰ্যকৰী হোৱাকৈ প্ৰত্যেক সোমবাৰে ১৬.০০ বজাত উদয়পুৰৰ পৰা যাত্ৰা আৰম্ভ কৰি ০০.৩৫ বজাত কামাখ্যাত আহি উপস্থিত হ’ব।
উভতনি যাত্ৰাৰ সময়ত ৰে’ল নং ০৯৭১০ কামাখ্যা-উদয়পুৰ স্পেচিয়েল ৰে’লখনে প্ৰত্যেক বৃহস্পতিবাৰে ১৮:৩০ বজাত কামাখ্যাৰ পৰা যাত্ৰা আৰম্ভ কৰিব আৰু ০০.৩৫ বজাত উদয়পুৰত গৈ উপস্থিত হ’ব।
ৰে’লখনে গোৱালপাৰা টাউন, আলিপুৰদুৱাৰ জংচন, নিউ জলপাইগুড়ি, কাটিহাৰ, হাজীপুৰ, গোৰখপুৰ, লক্ষ্মৌ আৰু আজমিৰ হৈ যাত্ৰ কৰিব বুলি জনাইছে উত্তৰ পূৱ সীমান্ত ৰে’লৱেই।
