ইংলেণ্ডৰ বিৰুদ্ধে টেষ্ট খেলাৰ সুযোগ নাপালেও এদিনীয়া ছিৰিজৰ বাবে দললৈ প্ৰত্যাৱৰ্তনৰ পথত টীম ইণ্ডিয়াৰ বাওঁহতীয়া পেচাৰ টি নটৰাজন।
তামিলনাডুৰ হৈ বিজয় হাজাৰে ট্ৰফীত খেলিবলগীয়া টি নটৰাজনক বিচিচিআইৰ অনুৰোধত তামিলনাডু ক্ৰিকেট এছ’চিয়েশ্যনে ৰিলিজ কৰি দিছে।
আঘাতৰ পৰা সকাহ পোৱা যশপ্ৰীত বুমৰাহ আৰু ইশান্ত শৰ্মা দললৈ ওভতাৰ বাবে ইংলেণ্ডৰ বিৰুদ্ধে প্ৰথম দুখন টেষ্টত স্থান নাপালে নটৰাজনে।
অৱশ্যে, আগন্তুক এদিনীয়া আৰু টী-২০ ছিৰিজত নটৰাজনে স্থান পোৱাৰ সম্ভাৱনা আছে।
তামিলনাডু ক্ৰিকেট এছ’চিয়েশ্যনৰ সচিব আৰ এছ ৰামস্বামীয়ে কয়,’’বিচিচিআই তথা ভাৰতীয় টীম মেনেজমেন্টে ইংলেণ্ড ছিৰিজত নটৰাজনক বিচাৰিছে। ভাৰতীয় দলৰ কথা মনত ৰাখইয়েই আমি নটৰাজনক ৰিলিজ কৰি দিছো।‘’
ইংলেণ্ডৰ বিৰুদ্ধে খেলিবলগীয়া ৫খন মেচৰ টী-২০ ছিৰিজটো অহা ১২ মাৰ্চত আহমেদাবাদত আৰম্ভ হ’ব। সেইদৰে ২৩ মাৰ্চত পুনেত এদিনীয়া ছিৰিজটো আৰম্ভ হ’ব।
উল্লেখ্য যে যোৱা বছৰৰ শেষত অষ্ট্ৰেলিয়া ভ্ৰমণলৈ যোৱা ভাতীয় দলত প্ৰথমবাৰৰ বাবে স্থান লাভ কৰিছিল বাওহতীয়া পেচাৰগৰাকীয়ে। ব্ৰীছবেনত অনুষ্ঠিত শেষৰখন টেষ্টত টি নটৰাজনে ৩টা উইকেট দখল কৰিছিল।
