প্ৰায় দুবছৰৰ পাছত ভাৰতৰ মাটিত অনুষ্ঠিত হ’ব ইণ্ডিয়ান প্ৰিমিয়াৰ লীগ। আইপিএল-২০২১ দেশৰ মাটিতে আয়োজন কৰা হ’ব।
দেওবাৰে বিচিচিআইৰ তৰফৰ পৰা আগন্তুক আইপিএলৰ সূচী ঘোষণা কৰা হৈছে।
বিচিচিআইয়ে জানিবলৈ দিয়া অনুসৰি IPL 2021ৰ সৱিশেষ তথ্যসমূহ হ’ল:-
- ২০২১ৰ ৯ এপ্ৰিলৰ পৰা আৰম্ভ হ’ব আইপিএল।
- আইপিএলৰ খেলসমূহ আহমেদাবাদ, বাংগালোৰ, চেন্নাই, দিল্লী, মুম্বাই আৰু কলকাতাত অনুষ্ঠিত হ’ব।
- চেন্নাইত উদ্বোধনী মেচত ডিফেণ্ডিং চেম্পিয়ন মুম্বাই ইণ্ডিয়ানছৰ বিৰুদ্ধে মুখামুখি হ’ব ৰয়েল চেলেঞ্জাৰ্ছ বাংগালোৰ।
- ৩০ মে’ত অনুষ্ঠিত হ’ব ফাইনেল খেল।
- প্লে-অফ খেলসমূহ আহমেদাবাদৰ ম’টেৰাৰ নৰেন্দ্ৰ মোদী ষ্টেডিয়ামত অনুষ্ঠিত হ’ব।
- ফাইনেল খেলখনো ম’টেৰাৰ নৰেন্দ্ৰ মোদী ষ্টেডিয়ামত অনুষ্ঠিত হ’ব।
- লীগ পৰ্যায়ত প্ৰতিটো দলে চাৰিখন চহৰত খেলিব লাগিব।
- মুঠ ৫৬খন খেলৰ ভিতৰত চেন্নাই, মুম্বাই, কলকাতা আৰু বাংগালোৰত ১০খনকৈ মেচ অনুষ্ঠিত হ’ব।
- আহমেদাবাদ আৰু দিল্লীত ৮খনকৈ মেচ অনুষ্ঠিত হ’ব।
- কোনোটো দলে নিজৰ খেলপথাৰত খেলাৰ সুযোগ নাপাব। সকলো দলকে চাৰিখন নিৰপেক্ষ কেন্দ্ৰত মেচ খেলিব লাগিব।
- টুৰ্নামেন্টত মুঠ ১১খন ডাব’ল হেডাৰ খেল হ’ব।
- ডাব’ল হেডাৰৰ আবেলিৰ মেচবোৰ ৩বাজি ৩০ মিনিটৰ পৰা আৰম্ভ হ’ব। সেইদৰে, সন্ধিয়াৰ মেচবোৰ ৭বাজি ৩০ মিনিটৰ পৰা আৰম্ভ হ’ব।
- আইপিএলৰ খেলসমূহ ৰুদ্ধদ্বাৰ ষ্টেডিয়ামত অনুষ্ঠিত হ’ব আৰু দৰ্শকৰ ষ্টেডিয়ামত প্ৰৱেশৰ অনুমতি দিয়াৰ ক্ষেত্ৰত পৰৱৰ্তী সময়ত সিদ্ধান্ত লোৱা হ’ব।
