কংগ্ৰেছৰ যুৱৰাজ ৰাহুল গান্ধীয়ে আজি গুৱাহাটীস্থিত ৰাজীৱ ভৱনত আসন্ন অসম বিধানসভা নিৰ্বাচনৰ বাবে প্ৰদেশ কংগ্ৰেছৰ নিৰ্বাচনী ইস্তাহাৰখন মুকলি কৰে।
ইস্তাহাৰ মুকলি কৰি ৰাহুল গান্ধীয়ে কয় “RSS আৰু বিজেপিয়ে সংস্কৃতি, ভাষা, বুৰঞ্জী আৰু মানুহৰ চিন্তাত আক্ৰমণ কৰি ধ্বংস কৰিব বিচাৰিছে। এই ইস্তাহাৰ সাধাৰণ শ্ৰেণীৰ মানুহৰ কথা-সমস্যাসমূহ শুনি বনোৱা হৈছে।”
“শ্ৰমিক, দৰিদ্ৰ লোক, নিবনুৱা যুৱকৰ সৈতে কথা পাতি তেওঁলোকৰ মনৰ ভাবসমূহ লৈ বনোৱা হৈছে। অসমৰ লোকে বনাইছে এইখন ইস্তাহাৰ।” ৰাহুল গান্ধীয়ে এইদৰে কয়।
ইপিনে ৰাহুল গান্ধীয়ে অসম ৰক্ষা কৰা সেনা আখ্যা দিয়ে কংগ্ৰেছ মহাজোঁটৰ বিধায়ক প্ৰাৰ্থীসকলক।
বিজেপিৰ অসম আক্রমণকাৰীসকলৰ বিৰুদ্ধে এই সেনাসকলে যুঁজ দিব বুলিও ৰাহুলে কয়।
নিৰ্বাচনী ইস্তাহাৰ মুকলি অনুষ্ঠানত ৰাহুল গান্ধীৰ সৈতে উপস্থিত থাকে প্ৰদেশ কংগ্ৰেছৰ সভাপতি ৰিপুন বৰা, সাংসদ গৌৰৱ গগৈ, প্ৰদ্যুত বৰদলৈ, জাতীয় কংগ্ৰেছৰ সাধাৰণ সম্পাদক জিতেন্দ্ৰ সিঙৰ লগতে অন্যান্য নেতৃত্ব।
