সোমবাৰে দিল্লীত ঘোষণা কৰা হৈছে ২০১৯ বৰ্ষৰ বাবে ৬৭ সংখ্যক ৰাষ্ট্ৰীয় চলচ্চিত্ৰ বঁটা। স্মৰ্তব্য যে কোভিড আতংকৰ বাবে ২০১৯ বৰ্ষৰ ৰাষ্ট্ৰীয় চলচ্চিত্ৰ বঁটা ঘোষণাত পলম হয়।
ঘোষিত ৬৭ সংখ্যক ৰাষ্ট্ৰীয় চলচ্চিত্ৰ বঁটাৰে উজলি উঠিল যোৱা বৰ্ষত আত্মহত্যা কৰা বলিউদৰ অভিনেতা সুশান্ত সিং ৰাজপুত অভিনীত চিচ’ৰে-এ। ছবিখনে ফিচাৰ (হিন্দী) ছবি শাখাত শ্ৰেষ্ঠ ছবিৰ খিতাপ অৰ্জন কৰিছে।
হিন্দী ছবি ভোশলেত অভিনয় কৰাৰ বাবে দক্ষ অভিনেতা মনোজ বাজপেয়ী আৰু তামিল ভাষাৰ ছবি অসুৰণত কৰা অভিনয়ৰ বাবে ধনুশে যুটীয়াভাৱে শ্ৰেষ্ঠ অভিনেতাৰ বঁটা লাভ কৰিছে।
ইফালে বিতৰ্কৰ কুইন তথা কেন্দ্ৰীয় চৰকাৰক তুষ্টিকৰণত ব্যস্ত থকা কংগণা ৰাণাৱটে মণিককৰ্ণীকা: দ্য কুইন অৱ ঝাঁঞ্চি আৰু পাংগা ছবিত কৰা অভিয়নৰ বাবে লাভ কৰিছে শ্ৰেষ্ঠ অভিনেত্ৰীৰ বঁটা।
শ্ৰেষ্ঠ ফিচাৰৰ ফিল্মৰ সন্মান লাভ কৰিছে দক্ষিণ মালায়ম ছবি মাৰাক্কাৰ: আৰবিকাডালিনেট চিমহাম-এ। ছবিখনে শ্ৰেষ্ঠ বিশেষ প্ৰভাৱিত ছবিৰ সন্মানো লাভ কৰিছে।
চুপাৰ ডিলাক্স ছবিৰ বাবে দক্ষিণৰ বিজয় শেঠুপৰ্থী পুৰুষ আৰু দ্য টাছখেন্ট ফাইলছ ছবিৰ বাবে দক্ষিণৰে পল্লৱী যোশীয়ে মহিলা শ্ৰেষ্ঠ সহ অভিনেতাৰ সন্মান লাভ কৰে।
উক্ত বৰ্ষত অস্কাৰলৈ মনোনীত হোৱা ভাৰতীয় ছবি জল্লিকাট্টু-এ শ্ৰেষ্ঠ চিনেমট’গ্ৰাফীৰ বঁটা লাভ কৰিছে।
ইফালে বিকি কৌশল(উৰি) আৰু আয়ুস্মান খুৰানাক(অন্ধ ধুন এণ্ড বধাই হো) ছবিৰ বাবে ৬৬ সংখ্যক ৰাষ্ট্ৰীয় চলচ্চিত্ৰ বঁটাৰ শ্ৰেষ্ঠ অভিনেতা আৰু মহানটি ছবিৰ বাবে কীৰ্তি সুৰেশক শ্ৰেষ্ঠ অভিনেত্ৰীৰ বঁটা প্ৰদান কৰা হয়। উল্লেখ্য যে উক্ত বৰ্ষৰ বঁটা প্ৰদান লোকসভাৰ নিৰ্বাচনৰ বাবে স্থগিত ৰখা হৈছিল।
অন্যান্য কিছু বঁটাঃ-
হিন্দী ভাষাৰ ছবি বাহাত্তৰ হোৰাইনৰ বাবে শ্ৰেষ্ঠ পৰিচালকৰ বঁটা সঞ্জয় পুৰণ সিং চৌহান, হেলেন(মালায়ম) ছবিৰ বাবে শ্ৰেষ্ঠ নৱাগত পৰিচালকৰ বঁটা মাথুকুট্টী জিভিয়াৰ, কিডি(তামিল)ৰ ছবিৰ বাবে শ্ৰেষ্ঠ শিশু শিল্পী বঁটা নাগা বিশাল, শ্ৰেষ্ঠ সংগীত পৰিচালকৰ বঁটা ডি ইম্মন বিশ্বাচম(তামিল), শ্ৰেষ্ঠ আৱহ সংগীত পৰিচালকৰ বঁটা প্ৰবুদ্ধ বেৰ্নাজী জ্যেষ্ঠপুত্ৰ(বংলা), শ্ৰেষ্ঠ নেপথ্য গায়কৰ বঁটা পুৰুষ কেশৰী(হিন্দী)ৰ বাবে ক্ৰমে বি প্ৰাক আৰু বাৰ্ড’(মাৰাঠী)ৰ বাবো মহিলা নেপথ্য গায়িকাৰ শ্ৰেষ্ঠ বঁটা শাৱণী ৰবীন্দ্ৰই লাভ কৰিছে।
ৰণুৱা- দ্য নেভাৰ চাৰেণ্ডাৰ-এ শ্ৰেষ্ঠ অসমীয়া ছবিখনে সন্মান লাভ কৰাৰ লগতে সমকামীৰ ওপৰত নিৰ্মিত অসমৰ চৰ্চিত ছবি ফায়াৰফ্লাইছ- জোনাকী পৰুৱাই-এ জুৰীৰ বিশষে সন্মান লাভ কৰিছে।
নন ফিচাৰ শাখাত কাষ্টেডী(হিন্দী/ইংৰাজী)এ শ্ৰেষ্ঠ ছুটি ছবিৰ সন্মান, জুৰীৰ বিশেষ সন্মান স্মল স্কেল চ’ছাইটিছ(ইংৰাজী), শ্ৰেষ্ঠ এনিমেশ্যন ছবিৰ বঁটা ৰাধা(সাংগীতিক), শ্ৰেষ্ঠ অনুসন্ধানমূলক ছবিৰ বঁটা জক্কল(মাৰাঠী), শ্ৰেষ্ঠ অন্বেষণমূলক ছবিৰ বঁটা ৱাইল্ড কণাৰ্টক(ইংৰাজী), শ্ৰেষ্ঠ শিক্ষামূলক ছবিৰ বঁটা এপ্পলছ এণ্ড অ’ৰেঞ্চছ(ইংৰাজী) আৰু শ্ৰেষ্ঠ পৰিৱেশমূলক ছবিৰ বঁটা দ্য ষ্টক চেভিয়ৰছ(হিন্দী)এ লাভ কৰিছে।
