তৃতীয় পৰ্যায়ত নিৰ্বাচন অনুষ্ঠিত হ’ব লগা গোৱালপাৰাৰ জিলাৰ এটা অন্যতম সমষ্টি হল জলেশ্বৰ বিধান সভা সমষ্টি৷ এই মূহূৰ্তত জলেশ্বৰত নিৰ্বাচনী গৰম বতাহ বলিবলৈ আৰম্ভ কৰিছে৷ নিজৰ সমৰ্থনত কংগ্ৰেছ, এ আই ইউ ডি এফ, জাতীয় পৰিষদ আৰু বিজেপি দলে সমষ্টিত তীব্ৰ প্ৰচাৰ অভিযান অব্যাহত ৰাখিছে৷
মহাজোঁট বন্ধনৰ দুই মিত্ৰ কংগ্ৰেছ, আৰু এআইইউডিএফে এই বেলি জলেশ্বৰ সমষ্টিত আগবঢ়াইছে বন্ধুত্বপূৰ্ণ প্ৰতিযোগিতা৷ এআইইউডিএফৰ দখলত থকা জলেশ্বৰ সমষ্টি দখলৰ বাবে কংগ্ৰেছ দলে উঠিপৰি লাগিছে৷
কংগ্ৰেছ দলৰ প্ৰাক্তন বিধায়ক আফতাবুদ্দিন মোলাৰ বিপৰীতে এআইইউডিএফে দলে প্ৰাৰ্থীত্ব প্ৰদান কৰিছে চিকিৎসক ডা° ৰেজ্জা আমিনক৷ আনহাতে এজেপি দলে ৰছিদুল হক আৰু বিজেপি দলে উছমান গুণিক প্ৰাৰ্থীত্ব প্ৰদান কৰিছে৷
সংখ্যালঘু অধ্যুষিত জলেশ্বৰৰ নিৰ্বাচন যুঁজখন এই বেলি আৰু অধিক আকৰ্ষণীয় হ’ব বুলি সচেতন মহলে মন্তব্য কৰিছে৷
বিগত বছৰ কেইটাত সমষ্টিটোত সৰ্বসাধাৰণে প্ৰতিবাদ মুখৰ হৈ পৰিছিল বৰ্তমানৰ বিধায়ক ছাহাবুদ্দিন আহমেদৰ বিৰুদ্ধে৷বিশেষকৈ বিগত বছৰত চিলাৰভিটা মথাউৰি ভাঙি বানে তাণ্ডৱ চলোৱা সময়ত জলেশ্বৰ সমষ্টি বিধায়ক ছাহাবুদ্দিন আহমেদৰ ভূমিকাত ক্ষুব্ধ হৈছিল সাধাৰণ জনতা৷
অৱশ্যে একাংশ ভোটৰ ৰাইজে এআইইউডিএফ দলে দিয়া প্ৰাৰ্থী সিকিৎসক ডা° ৰেজ্জ আমিনৰ প্ৰতি আস্থা প্ৰকাশ কৰা দেখা গৈছে৷ কিয়নো প্ৰতিবাদৰ পিছতে এইবাৰ নতুন মুখক দলে প্ৰাৰ্থীত্ব প্ৰদান কৰিছে৷
বন্ধুত্ব পূৰ্ণ প্ৰতিযোগিতা হলে সমষ্টিটো এআইইউডিএফৰ দখলৰ পৰা এই বেলি উদ্ধাৰ কৰাৰ বাবে কংগ্ৰেছ দলে যৎপৰোনাস্তি চেষ্টা কৰা দেখা গৈছে৷কংগ্ৰেছ দলটো প্ৰাৰ্থী আফতাবুদ্দিন মোল্লাই প্ৰতিটো দিনে সমষ্টি চুকেকোণে সভা সমিতি অনুস্থিত কৰি ভোটাৰ ৰাইজক কংগ্ৰেছ দলক ভোট দিয়াৰ বাবে আহ্বান জনাইছে৷
অৱশ্যে আফতাবুদ্দিন মোল্লাৰ সমষ্টি এটা সুকীয়া পৰিছয় আছে৷বিশেষকৈ বিগত বছৰে চিলাৰভিটা মাথাউৰি ভাঙি বানে তাণ্ডৱ চলোবাৰ সময়ত তেওঁ যথেষ্টখিনি সহায় কৰিছল ৰাইজক৷ সাধাৰণ ভোটাৰ ৰাইজে প্ৰকাশ কৰা মতে এগৰাকী বিধায়ক থকাৰ পিছতো প্ৰাক্তন বিধায়ক আফতাবুদ্দিন মোলাৰ ভুমিকা যথেষ্ট আছিল৷
সমষ্টিৰ ৰাইজে নাৰাজ এআইইউডিএফ প্ৰধান বদৰুদ্দিন আজমলৰ প্ৰতি বিগত দহ বছৰত বিধায়ক তথা এগৰাকী সাংসদ হৈ থকাৰ পিছতো আশাকৰা ধৰণে কোনো উন্নয়ন নহ’ল সমষ্টিত৷
এনেধৰণৰ কথাৰ সুবিধা গ্ৰহণ কৰিৱ বিছাৰিছে কংগ্ৰেছ দলৰ প্ৰাৰ্থী প্ৰাক্তন বিধায়ক আফতাবুদ্দিন মোল্লাই৷ কংগ্ৰেছ দলৰ প্ৰাৰ্থীগৰাকীৰ দাবী এইবাৰ জলেশ্বৰ সমষ্টি নিশ্চিতভাৱে কংগ্ৰেছৰ দখললৈ আহিব৷
সমষ্টিটো কেইবাটাও ৰাজনৈতিক দলে প্ৰতিদ্বন্দ্বিতা কৰিছে যদিও মূল যুঁজখন কংগ্ৰেছ আৰু এআইইউডিএফ দলৰ মাজতে সীমাবদ্ধ থাকিব৷ৰ
