দেওবাৰৰ সন্ধিয়া বোকাখাতৰ লতাবাৰী আৰু সাপজুৰিত ৩৭ নং ৰাষ্ট্ৰীয় পথৰ ওপৰতে হোৱা দুটা পৃথক পথ দুৰ্ঘটনাত এজন যুৱক নিহত হোৱাৰ লগতে দুজন গুৰুতৰভাৱে আহত হয় ৷
প্ৰাপ্য তথ্য মতে এ এছ ৯৫ এন ১৩০৬ নম্বৰৰ মটৰ চাইকেলেৰে গৃহাভিমুখী দুজন যুৱক ক্ৰমে ডিফলু পথাৰৰ বিজয় চাহানী আৰু অভিজিত ভুমিজক সাপজুৰিতে এখন গাড়ীয়ে খুন্দিয়াই থৈ যায় ৷
ফলত ঘটনাস্থলীতে অভিজিত ভুমিজ নিহত হোৱাৰ বিপৰীতে বিজয় চাহানী গুৰুতৰভাৱে আহত হয়।
বিজয় চাহানীক বোকাখাত অসামৰিক চিকিৎসালয়ত প্ৰাথমিক চিকিৎসা প্ৰদান কৰি যোৰহাটলৈ প্ৰেৰণ কৰা হয় ৷
ইপিনে প্ৰায় একেটা সময়তে লতাবাৰীত হোৱা আনটো পথ দুৰ্ঘটনাত বেটাৰীৰিক্সাৰ চালক লতাবাৰী পুৰনালাইনৰ নিৱাসী শ্ৰৱন তেলেংগাকো ৩৭ নং ৰাষ্ট্ৰীয় পথৰে যোৱা এখন ট্ৰাকে মহটিয়াই যোৱাৰ ফলত গুৰুতৰভাৱে আহত হয় তেলেংগা ৷
আহত তেলেংগাকো বোকাখাত অসামৰিক চিকিৎসালয়ত প্ৰাথমিক চিকিৎসা প্ৰদান কৰি যোৰহাট চিকিৎসা মহাবিদ্যালয়লৈ প্ৰেৰণ কৰা হয় ৷
দুৰ্ঘটনা সংঘৰ্টিত কৰা ট্ৰাকখনক বোকাখাতৰ ট্ৰেফিক আৰক্ষীয়ে কৰায়ত্ত্ব কৰে ৷
