স্বস্তি! অৱশেষত লৰ-চৰ কৰিবলৈ ধৰিছে চুৱেজ কেনেলত আৱদ্ধ হৈ থকা ‘এভাৰ গিভেন’-এ

অৱশেষত আন্তঃৰাষ্ট্ৰীয় পৰ্যায়ৰ এটা উৎকণ্ঠাৰ অন্ত পৰিছে।

ইজিপ্টৰ চুৱেজ কেনেলত পঠালিকৈ আৱদ্ধ হৈ থকা জাহাজখনে লৰ-চৰ কৰিছে।

জাহাজখনে ধীৰে ধীৰে গতিৰ দিশে মুখ কৰিবলৈ সক্ষম হৈছে।

ইজিপ্টৰ চুৱেজ কেনেল কৰ্তৃপক্ষই জনাইছে যে ৮০শতাংশ সফলতা লাভ কৰা গৈছে।

জাহাজখনক গতি দিবলৈ চুৱেজ কেনেলৰ পাৰৰ বালি প্ৰায় ১৮ মিটাৰ তললৈকে খান্দিব লগা হৈছিল।

‘এভাৰ গিভেন’ নামৰ মালবাহী জাহাজখন যোৱা বুধবাৰৰ পৰা পাঁচদিনধৰি আৱদ্ধ হৈ আছিল।

যাৰ ফলত ৪৫০ খনতকৈও অধিক জাহাজে চুৱেজ কেনেলত ‘এভাৰ গিভেন’-এ বাট এৰি দিয়ালৈ ৰৈ আছিল।

28th March 2021 in 90 seconds. Mashhour is the cutter suction dredger. You’ll also see black tugboats close to the ship. And I’ve got my mates with their own diggers. We are much like power rangers now.

🎥: Suez Canal Authority#SuezCrisis #SuezBLOCKED #Suez #Evergreenship pic.twitter.com/wHrKquuRc0

— Guy With The Digger At Suez Canal (@SuezDiggerGuy) March 28, 2021

তদুপৰি অৰ্থনৈতিকভাৱেও কেইবাখনো দেশক ই সচকিত কৰি তুলিছিল কাৰণ চুৱেজ কেনেলক এছিয়া, আফ্ৰিকা আৰু ইউৰোপৰ সংগমস্থল বুলি ধৰা হয়।

বিশ্ব অৰ্থনীতিৰ প্ৰায় ১২ শতাংশ এই চুৱেজ কেনেলে পৰিচালনা কৰে।

উল্লেখযোগ্য যে ইজিপ্টৰ ৰাজহুৱা খণ্ডৰ অধীনত থকা চুৱেজ কেনেলটোত ‘এভাৰ গিভেন’ আৱদ্ধ হৈ থকাৰ দেশখনে দৈনিক ১৪ মিলিয়ন ডলাৰ ৰেভিনিউৰ লোকচানৰ মুখামুখি হৈছে।