বৃহস্পতিবাৰে আবেলি প্ৰায় ৪বজাৰ পৰাই হঠাতে ষ্টেট বেংক অফ ইণ্ডিয়াৰ অনলাইন সেৱা ব্যহত হৈ পৰে।
গ্ৰাহকসকলে কেইবাঘন্টা ধৰি চেষ্টা কৰিও অনলাইন লেনদেন কৰাত ব্যৰ্থ হয়।
কিন্তু এই সন্দৰ্ভত গ্ৰাহকসকলক আগতীয়াকৈ জনাই দিছিল ষ্টেট বেংক অফ ইণ্ডিয়াই। বৃহস্পতিবাৰে পুৱা ১১বাজি ৩০মিনিটত ষ্টেট বেংক অফ ইণ্ডিয়াৰ অফিচিয়েল টুইটাৰ হেণ্ডলৰ পৰা এটা টুইট কৰা হয়।
টুইটটোত বেংকটোৰ সাময়িকভাৱে উদ্ভৱ হোৱা সমস্যাৰ বিষয়ে অৱগত কৰা হয়। ডিজিটেল বেংকিং প্লেটফৰ্ম অধিক উন্নত কৰি তোওলাৰ কাম চলি থকাৰ কথা জানিবলৈ দিয়ে বেংক সংস্থাটোৱে।
দুপুৰীয়া দুই বজাৰ পৰা সন্ধিয়া ৫বাজি ৪০ মিনিটলৈকে মেইনটেন্সৰ কাম চলিব বুলি কোৱা হয়।
We request our esteemed customers to bear with us as we upgrade our digital banking platforms to provide a better online banking experience.
#SBI #StateBankOfIndia #ImportantNotice #InternetBanking #OnlineSBI pic.twitter.com/4bad0EnRnw— State Bank of India (@TheOfficialSBI) April 1, 2021
ইয়াৰ বাবেই YONO, YONO Lite আৰু UPI-ৰ লেনদেন ব্যহত হৈ পৰে। লগতে অনলাইন সেৱাটো সমস্যাই দেখা দিয়ে।
অৱশ্যে, ষ্টেট বেংক অফ ইণ্ডিয়াৰ ফালৰ পৰা অতি সোনকালেই এই সমস্যাৰ সমাধান হ’ব বুলি জানিবলৈ দিয়ে।
