ৰঙৰ উৎসৱ হোলী কেতিয়াবাই পাৰ হৈ গ’ল কিন্তু বিগ বি অমিতাভ বচ্ছনৰ মনৰ পৰা এতিয়াও ৰং শেষ হোৱা নাই।
হোলী উপলক্ষে তেওঁ সামাজিক মাধ্যমত শেহতীয়াকৈ বিভিন্নধৰণৰ ৰসাল মন্তব্য প্ৰদান কৰি আহিছে।
৭৮ বছৰ বয়সতো তেওঁ বলিউড আৰু ক্ৰিকেট জগতৰ তাৰকাসকলৰ স’তে বয়স নিৰ্বশেষে সামাজিক মাধ্যমত ৰং ৰহইচ কৰি অনুৰাগীসকলৰ হৃদয় জয় কৰিছে।
ইনষ্টাগ্ৰাম আৰু টুইটাৰত তেওঁ অনুৰাগীসকলক প্ৰদান কৰিছে অনেক ৰসাল কৌতুক।
দেওবাৰে বিগবিৰ কৌতুকৰ বিষয় হৈ পৰে ক্ৰিকেটাৰ বিৰাট কোহলী আৰু অভিনেত্ৰী অনুষ্কা শৰ্মা।
ইনষ্টাগ্ৰামত তেওঁ তাৰকা দম্পত্তিহালক লৈ কৰা এটা ব্যংগাত্মক প’ষ্টে নেটিজেনসকলক হাঁহি হাঁহি বাগৰাই পেলাইছে।
তেওঁ প’ষ্টটোত লিখিছে- ”ৰং এতিয়াও শেষ হোৱা নাই, উৎসৱৰ কৌতুকো শেষ হোৱা নাই।”
তাৰপাছতে তেওঁ হিন্দীত লিখে- ”অনুষ্কা কে পাছ বিৰাট খ’লী হ্যে! (अनुष्का के पास विराट खोली है।)”
হিন্দীত লিখা বাক্যটোৰ ইংৰাজী ভাষান্তৰো তেওঁ লিখে- ”Anushka has a huge apartment”, অৰ্থাৎ অনুষ্কাৰ এটা বিৰাট ডাঙৰ এপাৰ্টমেণ্ট আছে।
View this post on Instagram
খ’লী (खोली ) শব্দটোৰে হিন্দীত এপাৰ্টমেণ্টক বুজোৱা হয় আৰু অভিনেতাজনে বিৰাট কোহলীৰ উপাধিটোৰ স’তে কৌতুক কৰিছে।
প’ষ্টটো ইনষ্টাগ্ৰামত শ্বেয়াৰ কৰাৰ পাছতে তেওঁক বিভিন্নজনে সৰস প্ৰতিক্ৰিয়া প্ৰকাশ কৰে।
ইয়াৰ ভিতৰত অন্যতম হৈছে অভিনেত্ৰী শিল্পা ছেট্টী, শমিতা ছেট্টী, অভিনেতা মনিষ প’ল ইত্যাদি।
