বাংলাদেশৰ প্ৰাক্তন প্ৰধানমন্ত্ৰী তথা বাংলাদেশ নেচনেলিষ্ট পাৰ্টিৰ নেত্ৰী খালেদা জিয়া ক’ভিড-১৯ত আক্ৰান্ত হৈছে।
শনিবাৰে হোৱা ক’ভিড পৰীক্ষাত এই ৰিপোৰ্ট আহিছে।
দেশখনৰ স্বাস্থ্যমন্ত্ৰালয়ে এই বাতৰিৰ সত্যতা নিশ্চিত কৰিছে।
উল্লেখযোগ্য যে বাংলাদেশত কৰোণাৰ দ্বিতীয় ঢৌৱে তীব্ৰ ৰূপ ধাৰণ কৰিছে।
ইয়াৰ বাবে শাসকীয় দল আৱামী লীগে খালেদা জিয়া নেতৃত্বাধীন বিৰোধী দল বিএনপিক দোষাৰোপ কৰিছে।
দেশখনৰ এজন মন্ত্ৰী অবাইদুল কাদেৰে অভিযোগ কৰে বিৰোধী দলে জনসাধাৰণক যথাযথ স্বাস্থ্যবিধি মানি নচলিবলৈ প্ৰৰোচনা কৰিছে।
তদুপৰি লকডাউনক লৈও বিৰোধী দলে অপপ্ৰচাৰ চলাইছে বুলি তেওঁ অভিযোগ কৰিছে।
”চৰকাৰৰৰ অন্ধ সমালোচনা নকৰি গঠনমূলক পৰামৰ্শ দিয়ক।”- মন্ত্ৰীজনে কয়।
