ব’হাগ বিহু উদযাপনৰ মাজতে বজালী জিলাৰ পাঠাশালা চহৰত অৱস্থিত এক্সিছ বেংকত এক ভয়ংকৰ অগ্নিকাণ্ডৰ ঘটনা সংঘটিত হয়।
বাতৰি অনুসৰি, আজি ৰাতিপুৱা প্ৰায় ১০.৩০ বজাত অগ্নিকাণ্ডটো সংঘটিত হয়।
বিধ্বংসী অগ্নিকাণ্ডটো সংঘটিত হোৱাৰ কেই মিনিটমানৰ ভিতৰতে ই বিয়পি পৰে আৰু খৱৰ পোৱাৰ লগে লগে স্থানীয় লোকসকল ততাতয়াকৈ ঘটনাস্থলীত উপস্থিত হয়। ইয়াৰ মাজতে কোনোবাই আৰক্ষীক খৱৰ দিয়ে।
দুখনকৈ অগ্নিনিৰ্বাপক বাহিনীৰ গাড়ী আহি ঘটনাস্থলীত উপস্থিত হৈ জুঁই নিৰ্বাপিত কৰে আৰু বিস্তৃত অঞ্চললৈ বিয়পি পৰাৰ পৰা ৰক্ষা কৰে।
জানিব পৰা মতে অগ্নিকাণ্ডৰ ঘটনাটো বেংকৰ AC ৰ শ্বৰ্ট ছাৰ্কিটৰ ফলতেই সংঘটিত হয়।
স্থানীয় লোকৰ তৎপৰতা আৰু অগ্নিনিৰ্বাপক বাহিনীৰ প্ৰচেষ্টাত চহৰখনৰ বৃহৎ অঞ্চল বিধ্বংসী অগ্নিকাণ্ডৰ কবলৰ পৰা ৰক্ষা পৰে।
