ভাৰতৰ মুখ্য ক’ভিড ভেকচিন উৎপাদনকাৰী সংস্থা ছেৰাম ইনষ্টিউট অৱ ইণ্ডিয়াৰ (Serum Institute of India) মুৰব্বী আদাৰ পুনাৱালাই এক গুৰুত্বপূৰ্ণ বক্তব্য প্ৰদান কৰিছে।
এক সংবাদমাধ্যমত প্ৰকাশিত বাতৰি অনুযায়ী, মুৰব্বীজনে কয় যে ভাৰতত জুলাই মাহ পৰ্যন্ত ক’ভিড-১৯ ভেকচিনৰ নাটনি অব্যাহত থাকিব।
তদুপৰি তেওঁ আশা কৰে যে জুলাই মাহত ভেকচিনৰ উৎপাদন বৃদ্ধি হ’ব।
এই বৃদ্ধিৰ পৰিমাণ সম্পৰ্কত তেওঁ কয় যে মাহেকত ৬০-৭০ মিলিয়ন ড’জৰ পৰা ১০০ মিলিয়ন ড’জপৰ্যন্ত হ’ব পাৰে।
১ মে’ত ভাৰতত সকলো প্ৰাপ্তবয়স্ক লোকৰ বাবে ভেকচিন প্ৰদান কৰাৰ কাৰ্যসূচী কেন্দ্ৰীয় চৰকাৰে হাতত লোৱাৰ পাছতে পুনাৱালাই এই মন্তব্য কৰিছে।
তেওঁ কয় যে ক’ভিড-১৯ৰ দ্বিতীয় ঢৌ সম্পৰ্কে জানুৱাৰী মাহত কোনোৱে ধাৰণা কৰিব পৰা নাছিল।
”সকলোৱে সঁচাসঁচিকৈ ভাবি লৈছিল যে ভাৰতে মহামাৰি উধাব পাৰিলে।”- তেওঁ কয়।
তেওঁ কয় যে যদি সেই সময়ছোৱাত ভেকচিনৰ চাহিদা বাঢ়িল হয়, তেনেহ’লে ভেকচিনৰ উৎপাদন বৃদ্ধি কৰিব পৰা গ’লহেঁতেন।
”আমি ভবা নাছিলো যে এবছৰত আমি ১ বিলিয়ন ড’জ প্ৰস্তুত কৰিব লাগিব।”- তেওঁ কয়।
উল্লেখযোগ্য যে ছেৰাম ইনষ্টিউটে অষ্ট্ৰজেনেকা (AstraZeneca) আৰু অক্সফ’ৰ্ড ইউনিভাৰ্চিটিয়ে প্ৰস্তুত কৰা ক’ভিড-১৯ ভেকচিনসমূহ উৎপাদন কৰি আহিছে।
শেহতীয়াকৈ, ভেকচিন নিৰ্মাণকাৰী সংস্থাটোৱে ভাৰতৰ বাহিৰৰ দেশসমূহতো ভেকচিন উৎপাদন কৰিবলৈ পৰিকল্পনা হাতত লৈছে।
