গোলাঘাটত মংগলবাৰে কোভিড মৃত্যুৰ সংখ্যাই ৫০ ঘৰত ভৰি দিলে।
চৰকাৰী সূত্ৰে প্ৰকাশ যে, সোমবাৰ আৰু মংগলবাৰৰ ভিতৰত জিলাখনত মুঠ ৪ জন কোভিড ৰোগীৰ মৃত্যু হৈছে।
সোমবাৰে মৃত্যু হোৱা দুজন হৈছে কেশৱ ছেত্ৰী (৪৫) মেলামৰা গোলাঘাট আৰু মহঃ আফেল হক (৫২)কুমাৰপট্টি, গোলাঘাট ৱাৰ্ড নং ২ৰ।
একেদৰে মংগলবাৰে মৃত্যু হোৱা দুজন হৈছে অৰুণ কুমাৰ সোনা(৫৫) কছাৰীহাট বনগাঁও আৰু প্ৰশান্ত গগৈ (৩৪) কাকডোঙা গোলাঘাটৰ।
ইয়াৰে দুজন মেডিকেল কলেজ হাস্পাতালত মৃত্যু হোৱাৰ লগতে দুজনৰ গোলাঘাট কুশল কোঁৱৰ কোভিড হাস্পাতালত মৃত্যু হয়।
ইফালে কোভিড আক্ৰান্তৰ সংখ্যাও ভয়ংকৰভাৱে বৃদ্ধি পাইছে জিলাখনত।
মংগলবাৰে নতুনকৈ ২৮৫ জন লোক এই ভাইৰাছৰ দ্বাৰা আক্ৰান্ত হৈছে।
সৰ্বাধিক বোকাখাতত ৬৭ জনকৈ লোক চিনাক্ত হোৱাৰ লগতে কমাৰবন্ধা আলিত ৩০, সৰুপথাৰত ৩০, মিছামৰাত ৩৫, শ্বহীদ কুশল কোঁৱৰ কোভিড হাস্পাতালত ১৬, চাৰিঙীয়াত ২৯, মৰঙীত ২৯, ৱাৰ্ডত ৩, নাৰ্চিংহ’মত ৩ আৰু আৰ টি পি চি আৰ ৪৩ জনকৈ কোভিড ৰোগী চিনাক্ত হয়।
