আজি বলিউডৰ অভিনেতা সুশান্ত সিং ৰাজপুতৰ প্ৰথম মৃত্যু বাৰ্ষিকী।
আজিৰ দিনটোতে এক অনাহুত পৰিস্থিতিত মুম্বাইত আত্মহত্যা কৰিছিল বলিউডৰ জনপ্ৰিয় অভিনেতাগৰাকীয়ে।সুশান্ত সিং ৰাজপুতৰ জন্মদিনটোত অভিনেতা জনৰ অনুৰাগী চিৰাং জিলাৰ বাসুগাঁওৰ ছাত্ৰ সৌৰভ মণ্ডলে সুশান্ত সিঙৰ শ্ৰদ্ধাঞ্জলি হিচাবে ৩১ হেজাৰ গজালেৰে আঁকিলে ছবি।
প্লাই বোৰ্ডত গজাল মাৰি সুশান্ত সিঙৰ ছবি অঁকা এইজন সৌৰভ মণ্ডল ত্ৰিপুৰা ইউনিভাৰ্ছিটিৰ এম কমৰ চূড়ান্ত বৰ্ষৰ ছাত্ৰ।
নিজৰ পঢ়াশুনাৰ লগে লগে চলাই গৈছে ছবি অঁকাৰ কামো।
এই ছবি আঁকোতে প্ৰতিদিনে ৫ ঘন্টাকৈ কাম কৰি ৮ দিনত অৰ্থাৎ ৪০ ঘন্টাত সম্পূৰ্ণ কৰি তুলিছে এই ছবি।
চিত্ৰাংকনৰ কোনো ধৰণৰ আনুষ্ঠানিক শিক্ষা নোহোৱাকৈ স্কেচ পেইন্টিং কৰাৰ পিচত মাউথ পেইন্টিং কৰিছিল।
মাউথ পেইন্টিং কৰি মুখ্য মন্ত্ৰী হিমন্ত বিশ্ব শৰ্মাৰ ছবি আঁকি মুখ্যমন্ত্ৰী জনৰ শুভেচ্ছা লাভ কৰা এই জন সৌৰভ মণ্ডলে পূৰ্বতেই ইণ্ডিয়া বুক অৱ ৰেকৰ্ডছ(এক্সট্ৰা অৰ্ডিনাৰী আৰ্টিষ্ট) ত নাম সন্নিৱিষ্ট কৰাৰ লগতে এছিয়া বুক অৱ ৰেকৰ্ডছ( গ্ৰেণ্ড মাষ্টাৰ) পুৰষ্কাৰ লাভ কৰিবলৈ সক্ষম হৈছিল । এতিয়া ছবি অঁকাৰ মাজেৰে বিশ্ব অভিলেখ গঢ়াৰ সপোন দেখিছে সৌৰভ মণ্ডলে।
