ধৰ্ষণ কৰি হত্যা কৰা হৈছিল অভয়াখুটিৰ দুই কিশোৰীক; মুখ্যমন্ত্ৰীয়ে স্পষ্ট কৰিলে এই কথা

কোকৰঝাৰৰ অভয়াখুটিঁৰ দুই কিশোৰীৰ চাঞ্চল্যকৰ মৃত্যুৰ ৰহস্য পোহৰলৈ আহিছে। ধৰ্ষণ কৰি হত্যা কৰা হৈছিল কিশোৰী দুগৰাকীক।

মুখ্যমন্ত্ৰী ড০ হিমন্ত বিশ্ব শৰ্মাই টুইটযোগে আজি এই কথা স্পষ্ট কৰিছে। মুখ্যমন্ত্ৰীয়ে টুইটত কয়, ‘’ধৰ্ষণ আৰু হত্যাৰ বলি নাবালিকা দুগৰাকীৰ গোচৰটো সমাধা হৈছে। বিটিআৰৰ আৰক্ষী মহা পৰিদৰ্শক  এল আৰ বিষ্ণয়ে মোক ফোন কৰি তদন্তৰ ফলাফল সম্পৰ্কে জনাইছে। দেওবাৰে মই তেওঁলোকৰ বাসগৃলসৈ গৈছিলো। অপৰাধীসকলক চিনাক্ত কৰি উলিয়াব পৰাত অত্যন্ত সন্তুষ্টি লাভ কৰিছো।‘’

শুকুৰবাৰে কোকৰাঝাৰৰ অভয়াখুঁটি গাঁৱত সংঘটিত হৈছিল এই ঘটনা৷ তাত চিপ লোৱা অৱস্থাত দুই সম্পৰ্কীয় ভগ্নীৰ মৃতদেহ উদ্ধাৰ হৈছিল ৷

The rape and murder of two minor tribal Girls have been been solved. @lrbishnoiassam , IGP,BTR called me to inform about the outcome of the investigation. I have visited their residence on Sunday. Feeling extremely a sense of satisfaction that the Culprits have been identified

— Himanta Biswa Sarma (@himantabiswa) June 14, 2021

তদন্তত কিশোৰী দুগৰাকীক ধৰ্ষণ কৰি হত্যা কৰাৰ পাছত গছত ওলোমাই ৰথা হৈছিল বুলি পোহৰলৈ আহিছে। অভিযুক্তই ধৰ্ষণ কৰি হত্যা কৰা এই ঘটনাক আত্মহত্যাৰ ৰূপ দিবলৈ চেষ্টা কৰিছিল।

কেইবাদিনো ধৰি চলোৱা অনুসন্ধান আৰু মৰণোত্তৰ পৰীক্ষাৰ পাছত এই জঘন্য ঘটনাৰ কথা স্পষ্ট হৈছে।

আৰক্ষীয়ে ঘটনাত জড়িত অপৰাধীকেইজনক চিনাক্ত কৰিবলৈ সক্ষম হৈছে ৷ ইতিমধ্যে আৰক্ষীয়ে ৭জনক গ্ৰেপ্তাৰো কৰিছে৷