কৰ’নাৰ সংকটৰ সময়ত মানুহৰ মনত যোগে বিশ্বাস জগাই তুলিছে। সপ্তম আন্তৰ্জাতিক যোগ দিৱসত দেশবাসীৰ উদ্দেশ্যে এই বাৰ্তা দিলে প্ৰধানমন্ত্ৰী নৰেন্দ্ৰ মোদীয়ে।
সোমবাৰে প্ৰধানমন্ত্ৰীয়ে কয় যে কৰ’নাৰ বিৰুদ্ধে যেতিয়া কোনো দেশেই প্ৰস্তুত নাছিল, তেতিয়া আমাৰ দেশত যোগে মানুহৰ মনত শক্তি জগাইছে।
প্ৰধানমন্ত্ৰীয়ে কয়,’’যোগে যে কেবল শাৰীৰিক সুস্থতাই বৃদ্ধি কৰে তেনে নহয়, ই মানসিক স্বাস্থ্যৰো যতন ৰাখে।‘’
প্ৰধানমন্ত্ৰী মদীয়ে কয়,’’আজি যেতিয়া গোটেই বিশ্বই কৰ’নাৰ বিৰুদ্ধে যুঁজ দিছে, তেতিয়া যোগ অনুশীলন এক আশাৰ বন্তি হৈ উঠিছে। যোগ অনুশীলন আত্ম-সংযম ৰক্ষাত সহায়তা কৰে। ই মানুহৰ মনত বিশ্বাস জগাই তোলে যে তেওঁলোকে ভাইৰাছৰ বিৰুদ্ধে যুঁজ দিব পাৰে। প্ৰথম শাৰীৰ যোদ্ধাসকলে আমাক কৈছিল যে তেওঁলোকে যোগ অনুশীলনক ভাইৰাছৰ বিৰুদ্ধে যুঁজত অস্ত্ৰ কৰি তুলিছে।‘’
মোদীয়ে লগতে কয়,’’চিকিৎসকলেও এতিয়া ৰোগীসকলক সুস্থ কৰি তুলিবলৈ যোগ অনুশীলনৰ পৰামৰ্শ দিছে। হাস্পাতালত চিকিসক, নাৰ্ছসকলে অনুলোম-বিলোম শিকোৱা দৃশ্যও দেখা গৈছে। বিশ্বস্তৰৰ বিশেষজ্ঞসকলে কৈছে এই ধৰণৰ অনুশীলনসমূহে শ্বাস-প্ৰশ্বাস প্ৰক্ৰিয়াক সক্ৰিয় কৰি তোলে।‘’
