অলিম্পিকলৈ নিৰ্বাচিত হোৱা প্ৰথমগৰাকী তৃতীয় লিংগৰ খেলুৱৈ হিচাপে নিৰ্বাচিত হৈছে নিউজিলেণ্ডৰ ভাৰোত্তলক ল’ৰেল হাবাৰ্ড।
নিউজিলেণ্ডৰ বিষয়ববীয়াসকলে ‘এক অতি স্পৰ্শকাতৰ তথা জটিল বিষয়’ত জনোৱা আহ্বানৰ পাছত সোমবাৰে এথলেটগৰাকী নিৰ্বাচিত হয় অলিম্পিকলৈ।
নিউজিলেণ্ড অলিম্পিক কমিটিৰ মুৰব্বী কেৰেয়ান স্মিথয়ে কয় যে ৪৩বছৰীয়া হাবাৰ্ড পুৰুষ হিচাপে জন্মগ্ৰহণ কৰিছিল কিন্তু ৩০বছৰত মহিলালৈ পৰিৱৰ্তন হয়। তেওঁ তৃতীয় লিংগৰ এথলেটৰ বাবে সকলোধৰণৰ অৰ্হতাৰ যোগ্যতা অৰ্জন কৰিছে।
‘’আমি স্বীকাৰ কৰো যে ক্ৰীড়াত লিংগ পৰিচয় এক অতি স্পৰ্শকাতৰ তথা জটিল বিষয় আৰু ইয়াত মানৱ অধিকাৰ আৰু খেলপথাৰৰ স্বচ্চতাৰ মাজত সন্তুলনৰ প্ৰয়োজন,’’-এক বিবৃতিত স্মিথে এইদৰে কয়।
পুৰুষ হিচাপেও প্ৰতিযোগিতাত অৱতীৰ্ণ হোৱা হাবাৰ্ডে আন্ত:ৰাষ্ট্ৰীয় অলিম্পিক কমিটিয়ে বিচৰা টেষ্ট’টেৰিয়ন স্তৰৰ পৰীক্ষাৰ ফলাফল প্ৰদৰ্শনৰ পাছত এগৰাকী মহিলা হিচাপে ভাৰোত্তলন কৰিবলৈ যোগ্যতা অৰ্জন কৰে।
তেওঁ টকিঅ’ত মহিলাৰ +৮৭ কেজি শাখাত প্ৰতিদ্বন্দ্বিতা আগবঢ়াব যিটো শাখাত তেওঁ বৰ্তমান বিশ্বৰ ১৬তম স্থানত আছে।
নিউজিলেণ্ডৰ অলিম্পিক ভাৰোত্তলনৰ প্ৰেছিডেন্ট ৰিচি পেটাৰছনে কয় যে হাবাৰ্ডে ২০১৮ৰ কমনৱেলথ গেমছত কেৰিয়াৰ সমাপ্তি ঘটাৰ সম্ভাৱনা থকা কিলাকুটিৰ বিষম আঘাতৰ পাছত কঠোৰ অনুশীলনৰ মাজেৰে উভতি আহিছে।
