বিশ্বৰ চৰ্চিত আৰু জনপ্ৰিয় কাকত সমূহৰ মাজৰে এখন হৈছে Apple Daily ।
২৬ বছৰ ধৰি একেৰাহে প্ৰকাশ পাই থকা কাকত খনৰ প্ৰকাশ বন্ধ হ’ব।
বৃহস্পতিবাৰে শেষ বাৰৰ বাবে প্ৰকাশ পাব কাকত খনৰ শেষ সংখ্যাটো। Apple Daily কাকত কৰ্তৃপক্ষই সেয়ে আজিয়েই এটা ডিজিটেল লেখাত কাকত খনৰ পাঠক, বিজ্ঞাপনদাতা, হকাৰ আদিক শেষবাৰৰ বাবে বিদায় সম্ভাষণ জনাইছে।
হংকঙৰ পৰা প্ৰকাশ পাই অহা Apple Daily নামৰ কাকত খন গণন্ত্ৰকামী লোকসকলৰ মাজত অন্যতম জনপ্ৰিয় কাকত আছিল। চীনে দীৰ্ঘদিন ধৰি প্ৰভূত্ব চলাই অহা হংকঙত গণতন্ত্ৰকামীলোকসকলৰ মনৰ ভাব প্ৰকাশ কৰি আহিছিল কাকত খনে।
চীনে হংকঙত নিৰ্বাচন কৰি দিয়া জনপ্ৰতিনিধি সকলৰ নানান অবিচাৰ আৰু দুৰ্নীতিৰ তথ্যো কাকতখনে ফাদিল কৰি আহিছিল। সেইবাবেই চীনৰ চৰকাৰৰ চকুত পৰিছিল কাকত খন।
শেহতীয়াকৈ চীনৰ চৰকাৰৰ নিৰ্দেশতে Apple Daily কাকত খনৰ স্বত্বাধিকাৰ জিমি লাইৰ লগতে কাকত খনৰ বহু কেইগৰাকী কৰ্মচাৰীক গ্ৰেপ্তাৰ কৰা হৈছিল। বন্ধ কৰি দিয়া হৈছিল কাকত খনৰ সকলো বেংক একাউণ্ট।
ফলত তীব্ৰ আৰ্থিক সংকটত জুৰুলা হৈ কাকত খনৰ কৰ্তৃপক্ষই Apple Daily কাকত খনৰ প্ৰকাশ বন্ধ কৰি দিয়াৰ সিদ্ধান্ত লয়।
হংকঙৰ প্ৰশাসনে শেহতীয়াকৈ গৃহীত কৰা ৰাষ্ট্ৰীয় নিৰাপত্তা আইনৰ অধীনতে Apple Daily কাকত খনৰ বহু কেইগৰাকী লোকক গ্ৰেপ্তাৰ কৰিছে।
