এই মুহূৰ্তৰ এক গুৰুত্বপূৰ্ণ খবৰ। নিজৰ মাটিতে প্ৰাণঘাতী আক্ৰমণৰ সন্মুখীন হ’বলগীয়া হ’ল অসমৰ অতিৰক্ত আৰক্ষী সঞ্চালক প্ৰধান হৰমীট সিং, কাচাৰৰ উপায়ুক্ত কাৰ্থি জাল্লী, কাচাৰৰ আৰক্ষী অধীক্ষক বৈভৱ চন্দ্ৰকান্ত নিম্বলকাৰ, প্ৰাক্তন আৰক্ষী অধীক্ষক মানবেন্দ্ৰ দেৱ ৰয়ে।
তেওঁলোকে কিছুসময় পূৰ্বে অসম-মিজোৰাম সীমান্তৰ লাইলাপুতৰ মিজো দুস্কৃতিকাৰীয়ে কৰা অবৈধ বেদখল সন্দৰ্ভত খবৰ লবলৈ গৈছিল।
সেই সময়তে মিজো দুস্কৃতিকাৰীয়ে অসমৰ প্ৰতিনিধিৰ দলটোক লক্ষ্য কৰি গ্ৰেণেড নিক্ষেপ কৰে।
এই ঘটনাত সৌভাগ্য কৰমে অসমৰ প্ৰতিনিধিৰ দলটোৰ প্ৰাণ ৰক্ষা পৰে। উল্লেখ্য দীৰ্ঘদিন ধৰি অসম-মিজোৰাম সীমান্তত সীমা সমস্যাকলৈ উত্তেজনাৰ সৃষ্টি হৈ আহিছে।
দুয়োখন ৰাজ্যই আলোচনাৰ মাধ্যমেৰে সীমা সমস্যাৰ সমাধান কৰিব বিচাৰিছে যদিও মিজো দুস্কৃতিকাৰীয়ে সীমান্তত অশান্তিৰ সৃষ্টি কৰিব বিচাৰি আহিছে।
আজিৰ গ্ৰেনেড আক্ৰমণৰ ঘটনাটো তাৰেই শেহতীয়া প্ৰমাণ।
