সেনা প্ৰধান বিপিন ৰাৱাটে জম্মু ভ্ৰমণ কৰি থকাৰ মাজতে বুধবাৰে সন্ধিয়া জম্মুৰ আকাশত উৰি থকা দেশা গ’ল পাকিস্তানৰ দ্ৰোন।বায়ু সেনাৰ শিৱিৰৰ কাষতে দেখা গ’ল দ্ৰোন উৰি থকা।
কাশ্মীৰক অশান্ত কৰি ৰখাৰ ষড়যন্ত্ৰত ব্যস্ত পাকিস্তানে পুনৰ ভাৰতৰ আকাশত উৰুৱালে ড্ৰোন।
বিগত ১৫ দিনত কাশ্মীৰৰ আকাশত পাকিস্তানৰ ৬ খনকৈ দ্ৰোন উৰা দেখিবলৈ পোৱা গৈছে।
কিছুদিন পূৰ্বে কাশ্মীৰৰ আৰ এছ পুৰা ছেক্তৰত পাকিস্তানৰ ড্ৰোন এখন উৰি থকা দেখিবলৈ পোৱা গৈছিল।
কিছুদিন পূৰ্বে কাশ্মীৰৰ পুঞ্চ ছেক্টৰতো তিনিখন পাকিস্তানৰ ড্ৰোন দেখিবলৈ পোৱা গৈছিল।
যোৱা মাহত কাশ্মীৰৰ বায়ু সেনা বাহিনীৰ ঘাটিত বোমা পেলোৱা পাকিস্তানে প্ৰেৰণ কৰা ড্ৰোন খন চীনত নিৰ্মিত বুলি লিখা আছিল। উল্লেখ্য পাকিস্তানে চীনৰ পৰা ড্ৰোন ক্ৰয় কৰি ভাৰতত কূটাঘাত সংগটিত কৰাৰ কামত ব্যৱহাৰ কৰি আহিছে।
কাশ্মীৰ উপত্যকাত অশান্তি বিয়পাই দিবলৈ অনবৰতে চেষ্টা অব্যাহত ৰখা পাকিস্তানৰ সন্ত্ৰাসবাদীয়ে এতিয়া হেক্স’কপ্তাৰৰ সহায়ত কাশ্মীৰত নিয়োজিত নিৰাপত্তা কৰ্মীৰ ওপৰত গ্ৰেণেড নিক্ষেপ কৰিবলৈ আৰম্ভ কৰিছে।
ভাৰতীয় নিৰাপত্তা বাহিনীৰ জোৱানৰ সম্পূৰ্ণ অগোচৰে হেক্স’কপ্তাৰৰ সহায়ত আকাশৰ পৰা সন্ত্ৰাসবাদীয়ে অনায়াসে গ্ৰেণেড নিক্ষেপ কৰিবলৈ সক্ষম হৈছে বুলি ভাৰতীয় সেনাৰ এগৰাকী মুখপাত্ৰই প্ৰকাশ কৰিছে।
হেক্স’কপ্তাৰ হৈছে এক ধৰণৰ ড্ৰোন যাৰ সহায়ত কোনো বস্তু ইঠাইৰ পৰা সিঠাইলৈ লৈ যাব পৰা যায়।
এনে ড্ৰোনৰ জৰিয়তে কম ওজনৰ বোমা বা গ্ৰেণেড আদিও তললৈ নিক্ষেপ কৰিব পৰা যায়।
