Coronavirus India: উৎসৱৰ বতৰ আৰম্ভ হোৱাৰ পূৰ্বে দেশত কৰ’নাৰ দৈনিক সংক্ৰমণ বিগত কেইদিনত হ্ৰাস পোৱা দেখা গৈছিল যদিও সেয়া পুনৰ বৃদ্ধি পালে। সেইদৰে সক্ৰিয় ৰোগীৰ সংখ্যায়ো উদ্বেগৰ কাৰণ হৈ ৰৈছে।
শুকুৰবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ২৬হাজাৰ ৭২৭ জন লোক।
সেইদৰে, দেশত মুঠ কৰ’নাত আক্ৰন্তৰ সংখ্যা হৈছেগৈ ৩কোটি ৩৭লাখ ৬৬ হাজাৰ ৭০৭জন।
আনহাতে, যোৱা ২৪ ঘণ্টাত দেশত ২৭৭ জন কৰ’না আক্ৰান্ত লোকৰ মৃত্যু হৈছে।
সেইদৰে, দেশত এতিয়ালৈকে মুঠ কৰ’নাত মৃত্যুৰ সংখ্যা হৈছে ৪লাখ ৪৮হাজাৰ ৩৩৯জন।
দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ২৮হাজাৰ ২৪৬জন।
দেশত এতিয়ালৈকে মুঠ ৩কোটি ৩০ লাখ ৪৩হাজাৰ ১১৪জন লোক কৰ’নাৰ পৰা সুস্থ হৈ উঠিছে।
স্বাস্থ্য মন্ত্ৰ্যালয়ৰ তথ্য অনুসৰি দেশত বৰ্তমান সক্ৰিয় ৰোগীৰ সংখ্যা হৈছে ২লাখ ৭৫হাজাৰ ২২৪জন।
ইপিনে, দেশত এতিয়ালৈকে ৮৯কোটি ২ লাখ ৮ হাজাৰ ৭ জন লোকক কৰ’নাৰ ভেকচিন প্ৰদান কৰা হৈছে। ইয়াৰ ভিতৰত যোৱা ২৪ ঘন্টাত ৬৪লাখ ৪০ হাজাৰ ৪৫১ জন লোকক কৰ’নাৰ ভেকচিন দিয়া হৈছে।
আনহাতে, স্বাস্থ্য মন্ত্ৰ্যালয়ৰ তথ্য অনুসৰি, বিগত ২৪ ঘন্টাত দেশত ১৫লাখ ২০হাজাৰ ৮৯৯ টা নমুনা পৰীক্ষা কৰা হৈছে। ইয়াকে লৈ দেশত মুঠ নমুনা পৰীক্ষাৰ সংখ্যা ৫৭কোটি অতিক্ৰম কৰিছে।
দেশত কৰ’নাৰ তৃতীয়টো ঢৌৰ সংক্ৰমণৰ আশংকা চলি থকাৰ সময়তে ইতিমধ্যে উৎসৱৰ বতৰ আৰম্ভ হৈছে।
আনহাতে, কৰ’না পৰিস্থিতিক কোনো কাৰণতে সহজভাৱে নল’বলৈ আহ্বান জনাইছে বিশেষজ্ঞসকলে।
