বেলতলাৰ বৃদ্ধ দম্পতীৰ লোমহৰ্ষক হত্যাকাণ্ড এতিয়াও ৰহস্যৰ মাজতে আছে।
আৰক্ষীৰ জিম্মাত থকা কেয়াৰটেকাৰ আকাশ চৌধুৰীয়ে এতিয়ালৈকে স্বীকাৰ কৰা নাই হত্যাকাণ্ডটোত জৰিত থকাৰ কথা।
আৰক্ষীৰ নিৰন্তৰ জেৰাৰ পিছতো আকাশ চৌধুৰীয়ে হত্যাকাণ্ড সন্দৰ্ভত কোনো তথ্যই প্ৰকাশ কৰা নাই। এনে পৰিস্থিতিত ছায়েণ্টিফিক ইভিডেন্সৰ ওপৰত ভিত্তি কৰিয়েই আৰক্ষীয়ে তদন্ত আগবঢ়াই নিছে।
আকাশ চৌধুৰীৰ ফিংগাৰপ্ৰিণ্ট বৰুৱা দম্পতীৰ কোঠাৰ খিৰিকী-দুৱাৰ আদিত পোৱা ফিংগাৰপ্ৰিণ্টৰ হৈছে মিলি গৈছে।
ইপিনে চিচিটিভিত ধৰা পৰা লোক দুজনকো এতিয়ালৈকে চিনাক্ত কৰিব পৰা হোৱা নাই। আকাশ চৌধুৰীয়ে বাৰে বাৰে হত্যাকাণ্ডত জৰিত থকাৰ কথা অস্বীকাৰ কৰি থকাৰ মাজতে আজি আৰক্ষীয়ে আকাশৰ পত্নী পুতু দাসক দিছপুৰ থানালৈ লৈ আহিছে।
পত্নী পুতু দাসৰ মুখৰ পৰাই আৰক্ষীয়ে হত্যাকাণ্ডটো সন্দৰ্ভত গুৰুত্বপূৰ্ণ তথ্য উলিয়াবলৈ সক্ষম হ’ব বুলি ধাৰণা কৰা হৈছে।
উল্লেখ্য আকাশ আৰু আকাশৰ পত্নী পুতু দাসে আৰক্ষীক দিয়া ভাষ্যত যথেষ্ট বিসংগতি থকালৈ চাই ঘটনাটোত যে আকাশ চৌধুৰী জৰিত আছে সেই বিষয়ত আৰক্ষী নিশ্চিত হৈছে।
এই মুহূৰ্তত পাণবজাৰ থানালৈ নিয়া হৈছে পুতু দাসক । পাণবজাৰ মহিলা থানাতেই আৰক্ষীয়ে পুতু দাসক জেৰা চলাব বুলি জানিব পৰা গৈছে। খুব কম সময়ৰ ভিতৰতে হয়তো এই হত্যাকাণ্ডত জৰিত সকলৰ কথা পোহৰলৈ আহিব বুলি আশা কৰা হৈছে।
উল্লেখ্য বেলতলাৰ হত্যাকাণ্ড সন্দৰ্ভত মহানগৰ আৰক্ষীয়ে লাভ কৰিছে ন ন তথ্য।
বেলতলা চন্দননগৰৰ বৃদ্ধ দম্পতী ক্ৰমে ননী বৰুৱা(৮৬) আৰু মীনা বৰুৱাক(৮০) আকাশ চৌধৰীয়ে হত্যা কৰাৰ প্ৰমাণ লাভ কৰিছে আৰক্ষীৰ।
ঘটনাস্থলীত উদ্ধাৰ আকাশ চৌধুৰীৰ ফিংগাৰপ্ৰিণ্ট। আকাশে গ্ৰীল ভঙা বুলি কোৱা গ্ৰীলখনতে আকাশৰ ফিঙগাৰ প্ৰিন্ট লাভ কৰিছে ফৰেণ্সিক দলে।
ফৰেণ্সিক দল, CID আৰু মহানগৰ আৰক্ষীয়ে যুটীয়াভাৱে চলাই নিছে বৃদ্ধ দম্পতীৰ হত্যাকাণ্ডৰ।
ইতিমধ্যে, দিছপুৰ আৰক্ষীয়ে গ্ৰেপ্তাৰ কৰিছে অভিযুক্ত আকাশ চৌধুৰীক।
আকাশৰ বিৰুদ্ধে দিছপুৰ থানাত ভাৰতীয় দণ্ড বিধিৰ 458,380,302 ধাৰাত 3900/21 নম্বৰত ৰুজু হৈছে গোচৰ
আৰক্ষীৰ মাৰাথান জেৰাৰ পাছতো এই হত্যাকাণ্ডৰ লগত তেওঁ জড়িত নহয় বুলিয়েই কৈ আছে। সংবাদ মাধ্যমকো তেওঁ জড়িত নহয় বুলি উল্লেখ কৰিছিল।
ইপিনে, এই হত্যাকাণ্ডৰ লগত জড়িত থকাৰ অভিযোগত মহানগৰ আৰক্ষীয়ে এতিয়ালৈ ৪ জন লোকক আটক কৰিছে আৰু এজনক গ্ৰেপ্তাৰ কৰিছে।
ইপিনে পৰহি নিশা আন দুজন লোকক মহানগৰ আৰক্ষীয়ে আটক কৰিছে। আটকাধীন লোকদুজন বুদ্ধদেৱ ওৰফে বাবুল আৰু জোন শইকীয়া নামৰ এজন অটোচালক।
দুয়োজনে আকাশ চৌধুৰীৰ সৈতে সেইনিশা সুৰাপান কৰিছিল বুলি জানিব পৰা গৈছে।
মহানগৰ আৰক্ষীয়ে সত্যন্দ্ৰ সিং আৰু পৰেশ চৌধুৰী নামৰ দুজন লোকক আটক কৰিছিল।
আকাশ চৌধুৰীৰ কল ডিটেইলচৰ আধাৰত এই লোকদুজনক আৰক্ষীয়ে আটক কৰিছিল।
ইপিনে কালি আৰক্ষীয়ে অভিযুক্ত আকাশ চৌধুৰীক ন্যায়িক দণ্ডাধীশৰ আদালতত হাজিৰ কৰোৱায়।
আদালতে আকাশ চৌধুৰীক সাত দিনৰ আৰক্ষী জিম্মালৈ প্ৰেৰণ কৰাৰ নিৰ্দেশ দিয়ে।
ইপিনে আজি দিনৰ প্ৰায় ১১ বজাত মৰণোত্তৰ পৰীক্ষাৰ পিছত বৰুৱা দম্পতীৰ মৃতদেহ চন্দন নগৰৰ ঘৰলৈ অনা হৈছে। মৃতদেহ আহি পোৱাৰ পিছতে সমগ্ৰ অঞ্চলটোতে এক গোমা পৰিবেশে বিৰাজ কৰিছে।
