বঙাইগাঁও চহৰৰ নতুন পাৰা মিছন ৰোডৰ এগৰাকী দশম শ্ৰেণীৰ ছাত্ৰী যোৱা ২৮ অক্টোৱৰৰ পৰাই নিৰুদ্দেশ হৈ থকা বুলি জানিব পৰা গৈছে ৷
ববিতা দাস ( ১৬) নামৰ ছাত্ৰীগৰাকীয়ে উক্ত দিনা আবেলি দুই মান বজাত টিউচনলৈ বুলি ঘৰৰ পৰা ওলাই অহাৰ পিছৰে পৰা নিৰুদ্দেশ হৈ আছে ৷
আনকি ছাত্ৰীগৰাকী লগত থকা ৯৩৯৫৬৯০৪৮৪ আৰু ৯৩৯৫৬৭৪৮৪২ মোবাইল নম্বৰ দুটাও বন্ধ হৈ আছে ৷
সেইদৰে পৰিয়ালৰ লোকে ছাত্ৰীগৰাকীৰ জন্মৰ প্ৰমাণ পত্ৰৰ লগতে অন্যান্য নথি পত্ৰসমূহো ঘৰত বিচাৰি পোৱা নাই ৷
নিৰুদ্দিষ্ট ছাত্ৰীগৰাকী বেছি বগা নোহোৱাৰ লগতে উচ্চতা আনুমানিক ৪ ফুট হ’ব ৷
মাতৃভাষা অসমীয়া যদিও হিন্দীও ক’ব পাৰে ৷
পৰিয়ালৰ লোকে ছাত্ৰীগৰাকী নিৰুদ্দে হোৱা ঘটনা সন্দৰ্ভত ইতিমধ্যে উত্তৰ বঙাইগাঁও আৰক্ষী পহৰা চকীত এজাহাৰ দাখিল কৰিছে ৷