ধৰ্ষণকাৰীৰ বিৰুদ্ধে কঠোৰ শাস্তি প্ৰদানৰ দাবীত ৰাজ্যৰ বিভিন্ন প্ৰান্তত প্ৰতিবাদ চলি থকাৰ সময়তে আজি বিশ্বনাথতো দেখা গ’ল এক প্ৰতিবাদ।
বিশ্বনাথ মহাবিদ্যালয় ছাত্ৰ একতা সভাৰ উদ্যোগত বিশ্বনাথৰ বিভিন্ন বিদ্যালয় আৰু মহাবিদ্যালয়ৰ লগতে জাতীয় দল-সংগঠনৰ সহযোগত আজি বিশ্বনাথ চাৰিআলিৰ অজস্ৰ প্ৰতিবাদকাৰীয়ে কপাই তোলে অঞ্চলটোৰ আকাশ বতাহ।
ধৰ্ষণ কাৰীক মৃত্যুদণ্ডৰে কঠোৰ শাস্তি প্ৰদান কৰা তথা এই অপৰাধ ৰোধ কৰাৰ বাবে ৰাজ্য চৰকাৰক কঠোৰ আইন প্ৰনয়ন কৰাৰ দাবীত হাজাৰ হাজাৰ ছাত্ৰ-ছাত্ৰীৰ প্ৰতিবাদী কণ্ঠৰে কপি উঠে বিশ্বনাথ নগৰ।
উক্ত প্ৰতিবাদী সমদল বিশ্বনাথ মহাবিদ্যালয়ৰ পৰা আৰাম্ভ কৰি বিশ্বনাথ চাৰিআলিৰ চহৰ হৈ জিলা উপায়ুক্ত কাৰ্যালয়ত উপস্থিত হয়।
জিলা উপায়ুক্তৰ কাৰ্যালয় ঘেৰাও কৰি উপায়ুক্তকৰ জৰিয়তে দেশৰ প্ৰধান মন্ত্ৰী নৰেন্দ্ৰ মোদীলৈ এখনি ষ্মাৰক পত্ৰ প্ৰেৰণ কৰে প্ৰতিবাদকাৰী ছাত্ৰ-ছাত্ৰীসকলে।
